Nau Mprơ Ơm 49:11 - Nau Brah Ndu Ngơi 2023

¹¹ Khân păng mĭn tâm nuih n'hâm pô aơ ngih khân păng mra hôm mro mrăng Jêh ri ntŭk păng ăt hôm ƀaƀơ bơh rnôk aơ tât rnôk ri. Khân păng sŏk amoh khân păng nơm rnha amoh ma neh lŏ mir khân păng nơm.

Nau Mprơ Ơm 49:11 ပူးပေါင်းရင်းမြစ်များ

Nau Ntơm 4:17

Y-Kain gŭ đah ur păng, ur păng ntreo jêh ri deh Y-Ênŏk. Y-Kain mon du rplay ƀon toyh jêh ri amoh ƀon nây jêng Ênŏk, tĭng amoh kon bu klâu păng.

II Samuel 18:18

Y-Apsalôm dôl hôm rêh, păng ndâk jêh ma păng nơm du mlâm gâng tâm rlŭng Ngih Hađăch nâm du ntŭk ndray ma păng nơm, yorlah păng lah: “Gâp mâu geh kon bu klâu thoi ma amoh gâp.” Jêh nây păng sŏk amoh păng nơm dơm ta gâng nây; gâng nây ăt hôm rnha jêng ntŭk ndray Y-Apsalôm kŏ tât ta nar aơ.

Nau Mprơ Ơm 10:6

Păng lah tâm nuih n'hâm: “Gâp mâu mra mpât n'gơ; Gâp mâu mra mâp nau mhĭk tât.”

Nau Mprơ Ơm 39:7

Ơ Kôranh Brah, moh ndơ gâp kâp gân? Nau gâp kâp gân gŭ tâm May.

Nau Mprơ Ơm 5:9

Yorlah trôm mbung khân păng mâu nanê̆, Nuih n'hâm khân păng bêng ma nau ƀư rai, Ko khân păng nâm bu môch pơk lơi, Mpiăt khân păng ngơi ma nau nklă.

Nau Mprơ Ơm 64:6

Khân păng nchră mĭn lĕ nau mhĭk jêh ri lah: “He ƀư lôch jêh nau ŭch ƀư dŭt ueh.” Nau mĭn jêh ri nuih n'hâm ăp nơm jêng mhĭk ngăn.

Nơm Nti 2:14

Bunuyh blau mĭn geh trôm măt tâm bôk păng, Bi phung rluk chuat hăn tâm nau ngo. Ƀiălah, gâp saơ jêh lĕ bar hê mra hăn ndrel ma du ntŭk tâm nal.

Nơm Nti 2:21

Yorlah geh bunuyh kan hŏt r'ah đah nau blau mĭn, nau gĭt rbăng jêh ri geh nau blau, jêh nây ăn drăp ndơn păng nơm ma nơm mâu mâp hŏt rgănh ma ndơ nây. Nau nây ăt jêng du nau dơm dam jêh ri du nau mhĭk toyh.

Êsêkiêl 38:10

Kôranh Brah Yêhôva lah: “Tâm lĕ rngôch nar nây, geh nau mĭn mra nsĭch tâm rngok may jêh ri may mra geh mĭn nkra nau ƀư ƀai.

Luka 11:39

Yor ri, Kôranh Brah lah: “Phung Pharisi khân may rao kloh padih ngan grưng jêh ri ngan khăl, ƀiălah tâm trôm bêng ma nau kơnh rlau ir jêh ri djơh mhĭk.

Kôranh Oh Mon 8:22

Pôri, rmal hom ma nau mhĭk may jêh ri mbơh sơm ma Kôranh Brah, gay Păng mra yô̆ an nau mĭn nây tâm nuih n'hâm may.

Nau Vay Nkah Tay 3:14

Y-Jar bơh ndŭl mpôl Manasê hŏ sŏk lĕ n'gor Argôp kŏ tât n'har phung Gêsurit jêh ri phung Makatit, jêh ri rnha ma ƀon jê̆ Basan ma amoh păng nơm, jêng ƀon jê̆ Jar, kŏ tât ta nar aơ.)

I Samuel 15:12

Kah ôi taơ, păng kah rngăl ơm ôi hăn tâm mâp đah Y-Sôl. Geh bunuyh tât nkoch ma Y-Samuel: “Y-Sôl lĕ hăn tât ta Karmel, ndâk du ntŭk ndray ma păng nơm ta nây, pônây păng plĕch trong, hăn trŭnh ta Gilgal.”