Nau Mprơ Ơm 48:13 - Nau Brah Ndu Ngơi 2023

¹³ Uănh nanê̆ lĕ mpêr ƀon, Sek uănh lĕ ngih hađăch păng, Gay ma khân may nkoch tay rnôk kăndơ̆

Nau Mprơ Ơm 48:13 ပူးပေါင်းရင်းမြစ်များ

Nau Mprơ Ơm 122:7

Ăn nau đăp mpăn gŭ ta mpêr ƀon, Jêh ri nau chăt jêng tâm phung ngih hađăch may!

Nau Mprơ Ơm 71:18

Ơ Brah Ndu, nđâp lah gâp lĕ ranh jêh ri sŏk ndra jêh, Lơi ta May chalơi gâp ôh Kŏ tât gâp mbơh nau dăng ktang May ma rnôk kăndơ̆, Jêh ri nau brah May ma noi deh ndơn pakơi.

Êsai 33:20

Uănh hom ta Siôn jêng ƀon he kah gĭt prăp lĕ nau rƀŭn toyh! Măt may mra saơ Yêrusalem, Jêng ntŭk gŭ đăp mpăn, jêng ngih bok bu mâu trơn ta ntŭk êng ôh, Lĕ mâng pêr ngih bok bu mâu hôm tŏk ôh, Lĕ rse brăt mâu dơi tăch ôh.

Êsai 58:12

Phung ƀon lan may mra ndâk tay lĕ ntŭk rlâm rai rnôk kăl e; May mra ndâk tay lĕ mbon ơm bơh âk rô̆ kăl e. Bu mra kuăl may jêng Nơm nkra tay lĕ trôm bluh mpêr ƀon, Jêh ri Nơm nkra tay trong tâm ƀon phung ƀon lan gŭ.

Êsêkiêl 21:25

May treh hom du mlâm trong ăn ma đao hăn rgăn rlet ma Raba, ƀon phung kon sau Ammôn, jêh ri du mlâm trong rlet ma Yuđa ta Yêrusalem jêng ƀon geh pôih nâp.

Yôel 1:3

Nkoch hom nau aơ ma phung kon sau khân may, Jêh nây phung kon khân may nkoch tay ăn ma phung khân păng, Jêh ri phung kon khân păng mra nkoch tay ăn ma rnôk kăndơ̆.

Amôt 9:11

“Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Nau Vay Nkah Tay 11:19

Ăn khân may ntĭm lĕ nau ngơi nây ma phung kon khân may, jêh ri nkah đŏng nôk khân may gŭ tâm vâl tâm ban ma dôl khân may hăn rŏ trong, dôl khân may lâng săk bê̆ch nđâp ma nôk khân may dâk.