Nau Mprơ Ơm 48:1 - Nau Brah Ndu Ngơi 2023

¹ Brah Yêhôva dŭt toyh, khư ma lĕ nau mprơ tâm rnê Tâm ƀon Brah Ndu he Jêh ri ta klơ yôk kloh ueh Păng.

Nau Mprơ Ơm 48:1 ပူးပေါင်းရင်းမြစ်များ

Nêhêmi 9:5

Phung Lêvi jêng Y-Jêsua, Y-Katmiêl, Y-Bani, Y-Hasapnia, Y-Sêrêbia, Y-Hôdia, Y-Sêbania, jêh ri Y-Pêthahia lah: “He dâk hom, tâm rnê ma Yêhôva Brah Ndu he, Jêng Nơm n'ho ro! Mât ton tâm rnê amoh chrêk rmah May, Amoh geh nau yơk lơn ma lĕ rngôch nau mât ton jêh ri nau tâm rnê.

Nau Mprơ Ơm 145:3

Brah Yêhôva jêng dŭt toyh jêh ri khư ma nau tâm rnê; Nau dŭt toyh Păng mâu dơi veh ôh.

Nau Mprơ Ơm 147:5

Kôranh Brah hên jêng dŭt toyh, geh nau brah mâu blau dŭt; Nau gĭt rbăng Păng dŭt toyh mâu blau lôch ôh.

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 30:1

Ơ Kôranh Brah! Gâp tâm rnê Păng yorlah Păng chông gâp hao, Mâu ăn ôh phung rlăng răm maak yor gâp.

Nau Mprơ Ơm 42:1

Ơ Brah Ndu! Huêng gâp ŭch mĭn ma May, Tâm ban ma du mlâm jun me ji hir n'hor dak.

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 46:4

Geh du n'hor dak krong, dak păng ƀư maak ma ƀon Brah Ndu, Jêng ntŭk kloh ueh, ntŭk gŭ Nơm Dŭt Prêh.

Nau Mprơ Ơm 47:8

Brah Ndu chiă uănh lĕ rngôch bri dak, Brah Ndu gŭ ta klơ sưng hađăch kloh ueh Păng.

Nau Mprơ Ơm 65:1

Ơ Brah Ndu, Ta ƀon Siôn, khư nau mprơ tâm rnê ma May Jêh ri djôt prăp nau ton jêh ma May.

Nau Mprơ Ơm 78:68

Ƀiălah Păng săch mpôl băl Yuđa, Jêng yôk Siôn jêng yôk Păng rŏng.

Nau Mprơ Ơm 86:10

Yorlah May dŭt toyh, ƀư nau kan khlay, Knŏng êng May dơm jêng Brah Ndu.

Nau Mprơ Ơm 87:1

Păng n'gân mbon ma ƀon Păng Ta klơ yôk kloh ueh.

Nau Mprơ Ơm 87:3

Ơ ƀon Brah Ndu, Bu hŏ lah jêh ma nau chrêk rmah ma may. (Sêla)

Nau Mprơ Ơm 96:4

Yorlah Brah Yêhôva dŭt toyh, khư ngăn ma bu mprơ tâm rnê, Păng khư ngăn ma bu klach yơk rlau lơn ma lĕ rngôch brah.

Nau Mprơ Ơm 99:9

Yơk hom ma Yêhôva Brah Ndu he Jêh ri yơk mbah ta klơ yôk kloh ueh Păng; Yorlah Yêhôva Brah Ndu he jêng kloh ueh!

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Yêrêmi 31:23

Brah Yêhôva ma phung tahan, Brah Ndu Israel, lah: “Lah Gâp djôt leo lĕ rngôch phung bu nă plơ̆ sĭt jêh pôri tâm n'gor Yuđa jêh ri lĕ rngôch phung ƀon toyh păng, bu mra hôm ngơi nau aơ: ‘Hơi ntŭk gŭ nau sŏng srăng, hơi yôk kloh ueh ri, Dăn ma Brah Yêhôva ăn nau ueh uĭn ma may!’

Apdia 1:17

Ƀiălah mra geh phung hôm klaih gŭ ta yôk Siôn; Yôk nây mra jêng kloh ueh Jêh ri ngih Yakôb mra dơn drăp ndơn khân păng nơm.

Mika 4:1

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ yôk prêh lơn, Jêh ri mra dơi n'hao prêh lơn ma lĕ gôl yôk. Lĕ mpôl băl bunuyh mra hăn plơ̆ sĭt ta nây.

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Mathay 24:15

Tơlah khân may saơ nau ƀơ̆ ƀơch ngăn ƀư nau rai ma Ntŭk Kloh Ueh, nâm nau nơm mbơh lor Y-Đaniel hŏ lah (mbu moh rŏ nau aơ gĭt hom),

ហេឞ្រើ 12:22

Ƀiălah khân may hăn dăch jêh ta yôk Siôn, dăch ƀon Brah Ndu rêh, nâm bu ntĭt ƀon Yêrusalem ta klơ trôk, âk rmưn rsen tông mpăr dôl gŭ rƀŭn ma nau maak,

Nau Tâm Mpơl 19:5

Geh nteh luh bơh sưng hađăch lah pô aơ: “Lĕ rngôch phung oh mon Brah Ndu he, phung bunuyh klach yơk ma Păng, lĕ phung toyh nđâp phung jê̆, tâm rnê hom ma Păng!”

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.