Nau Mprơ Ơm 47:5 - Nau Brah Ndu Ngơi 2023

⁵ Brah Ndu hao gŭ nklang bâr troh maak, Brah Yêhôva hao gŭ tâm bâr nŭng.

Nau Mprơ Ơm 47:5 ပူးပေါင်းရင်းမြစ်များ

II Samuel 6:15

Pônây, Y-Đavit jêh ri lĕ rngôch Israel njŭn leo Hip Nau Tâm Rnglăp Brah Yêhôva plơ̆ sĭt tâm nau troh nter răm rhơn jêh ri ma bâr nŭng huy ngăn.

I Nau Rêh Jêng 15:24

Y-Sêbania, Y-Jôsaphat, Y-Nêthanel, Y-Amasai, Y-Sakari, Y-Bênaya, jêh ri Y-Êliêser jêng phung kôranh ƀư brah mra uh nŭng tanăp Hip Nau Tâm Rnglăp Brah Ndu; Bi Y-Ôbet-Êđôm jêh ri Y-Jêhia tâm ban đŏng jêng phung mât njrăng mpông pêr ma Hip Nau Tâm Rnglăp.

I Nau Rêh Jêng 15:28

Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

I Nau Rêh Jêng 16:42

Y-Hêman jêh ri Y-Jêduthun geh nŭng, rgu dang nteh ăn huy jêh ri lĕ gong êng gay tâm rnê ma Brah Ndu. Bi phung kon bu klâu Y-Jêduthun ƀư kan mât njrăng mpông pêr.

Nau Mprơ Ơm 150:3

Tâm rnê hom ma Păng ma bâr nŭng, Tâm rnê hom ma Păng ma dĭng rlet jêh ri ma gong rêng!

Nau Mprơ Ơm 68:33

Păng jêng Nơm ncho ta klơ ma lĕ ndâr trôk ntơm bơh saơm, Iăt hom bâr Păng nter huy.

Nau Mprơ Ơm 78:65

Aƀaơ aơ, Kôranh Brah nâm bu bunuyh kah rngăl bê̆ch, Nâm bu du huê janh ktang dơi đah nhŭl ndrănh.

Nau Mprơ Ơm 81:3

Uh nŭng hom dôl khay mhe luh, Rnôk khay bŏng jêh ri ăp ta nar he tâm rƀŭn.

Nau Mprơ Ơm 98:6

Sŏk hom ma bâr nŭng jêh ri bâr nŭng jê̆ jêh ri gay troh maak Tanăp Hađăch nây jêng Brah Yêhôva!

Êsêkiêl 20:6

Tâm nar nây, Gâp ton ma khân păng pô aơ Gâp mra djôt leo luh tă bơh n'gor bri Êjipt gay ma lăp tâm du n'gor bri Gâp joi rơm ndrăp ăn ma khân păng, du n'gor bri, jêng bri geh dak toh jêh ri dak sŭt, bri ueh lơn tâm lĕ rngôch bri.

Amôt 8:7

Brah Yêhôva sŏk nau chrêk rmah bơh Y-Yakôb jêh ri sơm ton pô aơ: “N'hêl nanê̆ Gâp mâu mra chuêl ôh lĕ nau kan khân may ƀư!

Malachi 2:3

“Aơ, yor khân may, Gâp mra nduyh ma noi deh khân may, jêh ri mra srih ek ta muh măt khân may, nâm bu ntĭt ek mpa ƀư brah khân may nhhơr tâm ăp nau rƀŭn; bu mra mprơh khân may du ndrel ma ek nây.

Nau Kơp Bunuyh 23:21

Păng mâu saơ ôh nau jêr tâm phung Yakôb Mâu lĕ păng saơ nau uh ah tâm phung Israel. Brah Yêhôva Brah Ndu khân păng gŭ ndrel ma khân păng, Hađăch nter răm maak nklang Israel.

I Kôrintô 15:52

tâm ƀât lât, nâm bu mƀrêh măt, tâm mông bu uh nŭng nglĕ dŭt. Yorlah nŭng mra uh, phung khĭt mra dâk rêh tay, mâu hôm blau ôm rai ôh, jêh ri he mra dơi rgâl săk jăn.

I Têsalônik 4:16

Yorlah lah tât nau ăn jêh, ndrel ma bâr kuăl bơh kôranh tông mpăr, jêh ri bâr nŭng Brah Ndu, pô ri Kôranh Brah nơm mra jŭr văch tă bơh trôk. Nôk nây, phung bunuyh khĭt tâm Brah Krist mra dâk rêh tay lor lơn.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

Yôsuê 6:5

Nôk khân păng uh nŭng du ndruh jong jêh ri tơlah khân may mhe tăng bâr nŭng rnôk nây ăn lĕ rngôch phung ƀon lan nter dŭt huy, mpêr ƀon nây mra rlâm lĕ, jêh nây phung ƀon lan mra hao mpêr, ăp nơm hăn hao song panăp.”

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”