Nau Mprơ Ơm 47:4 - Nau Brah Ndu Ngơi 2023

⁴ Păng săch drăp ndơn ăn ma hên. Jêng nau hâk răm Yakôb jêng nơm Păng rŏng. (Sêla)

Nau Mprơ Ơm 47:4 ပူးပေါင်းရင်းမြစ်များ

Nau Mprơ Ơm 136:22

Jêng drăp ndơn ma phung Israel jêng oh mon Păng, Yor nuih n'hâm ueh Păng hôm tât n'ho ro.

Nau Mprơ Ơm 16:3

Bi ma lĕ phung kloh ueh tâm neh ntu aơ, Khân păng jêng phung sŏng gâp geh lĕ nau maak.

Êsai 60:15

Ntrok bu hŏ chuêl jêh ri tâm rmot jêh ma may, Kŏ tât mâu geh nơm hăn rgăn ta ntŭk may ôh, Ri mơ Gâp mra ăn may nau yơk mro mrăng, Jêh ri jêng nau răm maak ma âk rô̆.

Yêrêmi 3:19

Gâp hŏ lah: ‘Mâm ƀư gay njŭn may lăp ta phung kon Gâp, Jêh ri ăn ma may du ntŭk bri ueh ngăn. Drăp ndơn khlay lơn ta nklang ndŭl mpôl bunuyh. Gâp hŏ lah: May mra kuăl Gâp jêng “Mbơ̆ gâp.” Jêh ri mâu mra ndôn kơi chalơi Gâp.

Êsêkiêl 20:6

Tâm nar nây, Gâp ton ma khân păng pô aơ Gâp mra djôt leo luh tă bơh n'gor bri Êjipt gay ma lăp tâm du n'gor bri Gâp joi rơm ndrăp ăn ma khân păng, du n'gor bri, jêng bri geh dak toh jêh ri dak sŭt, bri ueh lơn tâm lĕ rngôch bri.

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Amôt 6:8

Kôranh Brah Yêhôva jêng Brah Ndu ma phung tahan; Kôranh Brah Yêhôva sơm ton Păng Nơm lah pô aơ, “Gâp tâm rmot ma phung Yakôb sưr jêh ri tâm rmot ma ngih nâp păng. Gâp mra jao ƀon toyh aơ jêh ri lĕ rngôch ndơ tâm păng ma phung rlăng.”

Amôt 8:7

Brah Yêhôva sŏk nau chrêk rmah bơh Y-Yakôb jêh ri sơm ton pô aơ: “N'hêl nanê̆ Gâp mâu mra chuêl ôh lĕ nau kan khân may ƀư!

Nahum 2:2

Yorlah Brah Yêhôva mra njêng tay nau chrêk ma lơp ma Yakôb Nâm bu nau chrêk ma lơp Israel, Nđâp tơlah phung sŏk pit hŏ sŏk pit jêh khân păng, Jêh ri lơh rai lĕ n'gĭng tơm krăk ƀâu khân păng.

Malachi 1:2

Brah Yêhôva lah: “Gâp rŏng jêh ma khân may,” ƀiălah khân may lah pô aơ: “Hŏ geh Kôranh Brah rŏng ma hên?” Brah Yêhôva lah: “Mâu di Y-Êsau jêng nâu Y-Yakôb?

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

Nau Vay Nkah Tay 11:12

jêng n'gor Yêhôva Brah Ndu khân may mât mray. Măt Yêhôva Brah Ndu khân may uănh treng ƀaƀơ n'gor nây bơh bôk năm tât lôch năm.

Nau Vay Nkah Tay 33:3

Kôranh Brah rŏng ma phung ƀon lan Păng, Lĕ rngôch phung kloh ueh gŭ tâm ti Kôranh Brah, Mbah yơk tâm dâng jâng May Gay sŏk dơn nau ngơi May ntĭm nti jêh.

I Pêtrôs 1:4

gay dơn du drăp ndơn mâu hôm blau ôm rai, mâu ƀơ̆, mâu blau huănh, prăp jêh tâm trôk ma khân may,