Nau Mprơ Ơm 47:3 - Nau Brah Ndu Ngơi 2023

³ Păng ăn phung ƀon lan geh nau plơ̆ rŭch tanăp hên Păng ƀư lĕ bri dak mra gŭ tâm dâng jâng hên.

Nau Mprơ Ơm 47:3 ပူးပေါင်းရင်းမြစ်များ

Nau Mprơ Ơm 110:1

Brah Yêhôva ngơi ma Kôranh Brah gâp pô aơ: “Gŭ hom pa ma Gâp. Kŏ tât Gâp ăn phung rlăng đah May jêng rnơl chrong jâng May.”

Nau Mprơ Ơm 18:47

Păng jêng Brah Ndu plơng bôk ma gâp, Ăn phung ƀon lan tâm dâng gâp.

Nau Mprơ Ơm 66:5

Văch hom n'gơr uănh nau kan Brah Ndu: Nau kan Păng ƀư ma kon bunuyh jêng khư klach ngăn.

Nau Mprơ Ơm 81:14

Mâu jŏ ôh Gâp ƀư ma phung rlăng khân păng kŭnh bôk da dê, Jêh ri Gâp plơ̆ tâm rdâng đah phung rlăng ma khân păng.

Nau Mprơ Ơm 95:3

Yorlah Brah Yêhôva jêng Brah Ndu dŭt toyh, Jêng Hađăch dŭt prêh ta klơ lơn ma lĕ rngôch brah.

Nau Mprơ Ơm 99:2

Brah Yêhôva dŭt toyh ta Siôn! Bu dơi yơk Păng prêh klơ ma lĕ rngôch băl mpôl bunuyh.

Yêrêmi 10:7

Ơ Hađăch ma lĕ bri dak! Mbu moh mâu klach yơk May? May dơi khư ma nau yơk mbah. Yorlah ta nklang phung bunuyh blau mĭn tâm lĕ bri dak, Tâm lam ƀon bri hađăch khân păng, Mâu geh nơm dơi tâm rđĭl đah May.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

I Kôrintô 15:25

Yorlah Păng chiă uănh, tât nôk Brah Ndu “dơm lĕ phung rlăng tâm dâng jâng Păng.”

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

Philip 3:21

Păng mra tâm rgâl săk jăn jê̆ jănh he plơ̆ jêng nâm bu săk jăn chrêk rmah Păng, dŏng nau brah ƀư ăn lĕ rngôch ndơ plơ̆ sĭt tông ma Păng.

Yôsuê 21:44

Brah Yêhôva ăn ma khân păng tâm lam ntŭk dơi geh tâm nau mpăn rlêk, di tĭng nâm Păng ton jêh ma phung chô yau khân păng, mâu geh ôh phung rlăng dơi dâk tanăp khân păng. Brah Yêhôva jao jêh lĕ rngôch phung rlăng nây tâm ti khân păng.