Nau Mprơ Ơm 47:2 - Nau Brah Ndu Ngơi 2023

² Yorlah Brah Yêhôva Dŭt Prêh jêng khư bu klach yơk, Păng jêng Hađăch dŭt toyh ta klơ neh ntu.

Nau Mprơ Ơm 47:2 ပူးပေါင်းရင်းမြစ်များ

Nêhêmi 1:5

Hơi Yêhôva Brah Ndu klơ lĕ ndâr trôk, jêng Brah Ndu dŭt toyh jêh ri di ma nau rnam klach yơk, jêng Nơm djôt prăp nau tâm rnglăp jêh ri nuih n'hâm ueh ma mbu nơm ŭch rŏng jêh ri djôt prăp lĕ nau vay ntăm bơh Păng!

Nau Mprơ Ơm 145:6

Bu mra mbơh nau brah dŭh prêh khư klach ngăn bơh May, Jêh ri gâp mra nkoch bri ma nau dŭt toyh May.

Nau Mprơ Ơm 47:7

Yorlah Brah Ndu jêng Hađăch ma lĕ rngôch neh ntu; Mprơ tâm rnê hom nau mprơ Păng.

Nau Mprơ Ơm 65:5

Ơ Brah Ndu jêng Nơm tâm rklaih hên, May mplơ̆ lah ma hên ma lĕ nau sŏng srăng, khư ma nau klach. May jêng nau kâp gân ma phung nglĕ dŭt rplay neh Phung gŭ ngai tâm dak mƀŭt tâm ban lĕ.

Nau Mprơ Ơm 68:35

Ơ Brah Ndu, May khư ma nau klach tâm ntŭk kloh ueh May; Brah Ndu phung Israel Ăn nau ktang jêh ri nau brah ma phung ƀon lan Păng. Mât ton ma Brah Ndu!

Nau Mprơ Ơm 76:12

Păng nkhĭt lơi nau sưr phung kôranh chiă uănh; Phung hađăch ta neh ntu klach ma Păng.

Nau Mprơ Ơm 95:3

Yorlah Brah Yêhôva jêng Brah Ndu dŭt toyh, Jêng Hađăch dŭt prêh ta klơ lơn ma lĕ rngôch brah.

Nau Mprơ Ơm 99:3

Ăn khân păng mprơ tâm rnê ma amoh dŭt toyh jêh ri khư ma nau klach May. May jêng kloh ueh!

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Nau Vay Nkah Tay 28:58

Tơlah khân may mâu njrăng djôt prăp lĕ nau vay dơi nchih jêh tâm ndrom samƀŭt aơ, mâu yơk ôh ma amoh chrêk rmah jêh ri dŭt klach aơ jêng YÊHÔVA BRAH NDU KHÂN MAY,

Nau Vay Nkah Tay 7:21

Lơi klach ma phung ƀon lan nây, yorlah Yêhôva Brah Ndu dôl gŭ ta nklang khân may jêng Brah Ndu toyh jêh ri geh nau klach yơk.