Nau Mprơ Ơm 47:1 - Nau Brah Ndu Ngơi 2023

¹ Hơi lĕ rngôch ntil mpôl bunuyh, tap ti hom! Troh hom nau maak ma Brah Ndu.

Nau Mprơ Ơm 47:1 ပူးပေါင်းရင်းမြစ်များ

II Samuel 6:15

Pônây, Y-Đavit jêh ri lĕ rngôch Israel njŭn leo Hip Nau Tâm Rnglăp Brah Yêhôva plơ̆ sĭt tâm nau troh nter răm rhơn jêh ri ma bâr nŭng huy ngăn.

II Phung Hađăch 11:12

Y-Jêhôida njŭn leo kon bu klâu hađăch luh, ndô đon hađăch jêh ri ăn Nau Tâm Rnglăp ma păng. Khân păng tŏ dak ƀâu kah mbơh nau njêng hađăch ma kon bu klâu hađăch, jêh nây khân păng tap ti jêh ri nter lah: “Hađăch gŭ rêh n'ho ro!”

II Nau Rêh Jêng 13:15

Nôk nây, phung Yuđa nter troh rduh tâm lơh. Nôk phung Yuđa nter troh, Brah Ndu lơh Y-Jêrôbôam jêh ri lĕ rngôch phung Israel tra năp măt Y-Abija jêh ri phung Yuđa.

Nau Mprơ Ơm 106:47

Ơ Yêhôva Brah Ndu hên, dăn sâm rklaih hên, Tâm rƀŭn hên bơh nklang lĕ bri dak, Gay ma hên mra tâm rnê ma amoh kloh ueh May Jêh ri dơi mprơ tâm rnê ma May.

Nau Mprơ Ơm 42:1

Ơ Brah Ndu! Huêng gâp ŭch mĭn ma May, Tâm ban ma du mlâm jun me ji hir n'hor dak.

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 47:5

Brah Ndu hao gŭ nklang bâr troh maak, Brah Yêhôva hao gŭ tâm bâr nŭng.

Nau Mprơ Ơm 98:4

Ơ lĕ rngôch neh ntu, sŏk hom bâr troh maak ma Brah Yêhôva, Jêh ri mprơ mât ton ma Păng.

Nau Mprơ Ơm 98:8

Ăn lĕ dak krong tap ti, Lĕ rngôch yôk mprơ maak ndrel tanăp Brah Yêhôva!

Êsai 55:12

Yorlah khân may mra hăn ma nau răm maak, Bu mra njŭn khân may ma nau đăp mpăn. Yôk jêh ri dor mra mprơ tanăp khân may, Lĕ rngôch tơm si tâm bri mra tap ti.

Yêrêmi 31:7

Brah Yêhôva lah: “Nteh hom bâr nau răm rhơn ma Yakôb; Nter troh hom yor jêng phung ƀon lan mrô nguay ma lĕ rngôch ntil mpôl bunuyh; Mbơh hom, mprơ tâm rnê hom, jêh ri lah pô aơ: ‘Ơ Brah Yêhôva, tâm rklaih hom phung ƀon lan May, Jêng ƀon lan hôm e klen tâm phung Israel.’

Sôphôni 3:14

Hơi kon bu ur Siôn, mprơ huy hom! Hơi Israel, nter bâr ngơi huy! Hơi kon bu ur ƀon Yêrusalem, Răm rhơn hom ma lĕ nuih n'hâm!

Sakari 4:7

Hơi yôk toyh ri, mbu moh may jêng? Tanăp măt Y-Sôrôƀaƀel may mra jêng neh lâng. Păng mra djôt leo lŭ mbon ma bâr bu nter lah: ‘Ueh maak ngăn! Ueh maak ngăn!’”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

I Samuel 10:24

Y-Samuel ngơi đah lĕ rngôch ƀon lan: “Khân may saơ lĕ nơm Brah Yêhôva hŏ săch jêh? Tâm lĕ phung ƀon lan, mâu geh du huê nuyh nâm bu păng.” Lĕ rngôch phung ƀon lan nter lah: “Hađăch gŭ rêh n'ho ro!”