Nau Mprơ Ơm 46:9 - Nau Brah Ndu Ngơi 2023

⁹ Păng ăn lôch rklăk nau tâm lơh kŏ tât ta nglĕ dŭt rplay neh. Nkê̆ch pă lơi na, sreh lơi tak ăn âk gâl Jêh ri su lơi ma ŭnh lĕ ndeh seh.

Nau Mprơ Ơm 46:9 ပူးပေါင်းရင်းမြစ်များ

Nau Mprơ Ơm 66:5

Văch hom n'gơr uănh nau kan Brah Ndu: Nau kan Păng ƀư ma kon bunuyh jêng khư klach ngăn.

Êsai 10:23

Yorlah Kôranh Brah jêng Yêhôva ma phung tahan hŏ tâm nal jêh nau ƀư nau rai lôch ta lam neh ntu.

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Êsai 2:4

Păng mra ƀư nau phat dôih ta nklang lĕ bri dak, Jêh ri nkra dôih ma âk phung ƀon lan. Aƀaơ, khân păng mra sŏk đao chiăr njêng kau kai, Sŏk tak chiăr njêng nhuĕ. Bri dak aơ mâu mra tŏk đao lơh bri dak êng, Khân păng mâu lĕ hôm nti tay nau tâm lơh đŏng ôh.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsêkiêl 39:3

Gâp mra lơh ăn tŭp lơi na may tă bơh ti pa chiau jêh ri ƀư ăn tŭp lơi hăr may tă bơh ti pa ma.

Mika 5:10

Gâp mra ƀư rai lĕ ƀon tâm bri may Jêh ri mra ƀư rlâm lơi lĕ rngôch pôih nâp may.

Yôsuê 11:6

Ƀiălah Brah Yêhôva lah ma Y-Yôsuê: “Lơi klach ôh, yorlah nar ôi aơ ta mông aơ, Gâp mra jao lĕ rngôch khân păng tâm ti phung Israel nkhĭt khân păng. Khân may mra koh jâng jon seh jêh ri su lĕ ndeh seh khân păng ma ŭnh.”

Yôsuê 11:9

Y-Yôsuê ƀư ma khân păng tĭng nâm nau Brah Yêhôva ntăm jêh: koh jâng jon seh khân păng, jêh ri su lơi ndeh seh khân păng ma ŭnh.

I Samuel 2:4

Na phung tahan janh ktang lĕ đoh jêh, Ƀiălah phung ra-ai vân nau ktang.