Nau Mprơ Ơm 46:5 - Nau Brah Ndu Ngơi 2023

⁵ Brah Ndu gŭ ta nklang ƀon nây, păng mâu mra n'gơ ôh. Ơm ôi Brah Ndu mra kơl păng.

Nau Mprơ Ơm 46:5 ပူးပေါင်းရင်းမြစ်များ

Nau Mprơ Ơm 112:6

Bunuyh sŏng srăng mâu mra n'gơ n'găr ôh, Nau kah gĭt ndray păng hôm tât n'ho ro.

Nau Mprơ Ơm 125:1

Phung rnơm nsing ma Brah Yêhôva jêng nâm bu yôk Siôn, Mâu n'gơ n'găr ôh ƀiălah gŭ n'ho ro.

Nau Mprơ Ơm 143:8

Ơm ôi, ăn gâp iăt nuih n'hâm ueh May, Yorlah gâp rnơm nsing ma May; Dăn ntĭm ăn gâp gĭt, trong gâp mra hăn, Yorlah huêng gâp kâp gân May.

Nau Mprơ Ơm 30:5

Yorlah nau Păng nuih knŏng ƀât lât, Bi ma nau Păng yô̆ gŭ lôch du njăr rêh. Nau nhĭm nhhiăng văch njưh dôl măng, Ƀiălah tât ơm ôi geh nau răm maak ro.

Nau Mprơ Ơm 37:40

Brah Yêhôva koh dŏng jêh ri tâm rklaih khân păng; Păng rklaih khân păng bơh phung mhĭk jêh ri tâm rklaih khân păng, Yorlah khân păng nde krap tâm Păng.

Nau Mprơ Ơm 62:2

Knŏng du huê Păng jêng lŭ toyh jêh ri nau tâm rklaih gâp; Jêng ntŭk gâp gŭ krap tâm ban lĕ; gâp mâu mra geh nau mpât n'gơ ôh.

Nau Mprơ Ơm 62:6

Knŏng du huê Păng yơh jêng lŭ toyh gâp jêh ri nau tâm rklaih gâp, Jêng ntŭk gâp nde krap; gâp mâu mra geh nau mpât n'gơ ôh.

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Ngluh Êjipt 14:24

Kêng ơm ôi, Brah Yêhôva bơh n'gâng tŭk jêh ri n'gâng ŭnh gŭ uănh ma phung tahan Êjipt jêh ri ƀư ma khân păng uh ah.

Nau Ngluh Êjipt 14:27

Ƀhit ang, Y-Môis yơr ti păng ta klơ dak mƀŭt jêh ri dak mƀŭt plơ̆ tay nâm bu ơm. Phung Êjipt nchuăt du ƀiălah Brah Yêhôva nklơ̆ khân păng trŭnh tâm dak mƀŭt.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsêkiêl 43:7

Bunuyh nây lah ma gâp: “Hơi kon bunuyh, aơ yơh jêng ntŭk dơm sưng hađăch Gâp, jêng ntŭk ăn mpang jâng Gâp. Ta aơ, Gâp mra gŭ ta nklang phung kon sau ƀon lan Israel kŏ tât n'ho ro. Ntơm bơh abaơ let kăndơ̆, ngih Israel lĕ rngôch phung ƀon lan jêh ri phung hađăch khân păng mâu mra ƀư ƀơ̆ đŏng ôh amoh kloh ueh Gâp yor nau văng tĭr khân păng jêh ri yor ma săk jăn khĭt phung hađăch khân păng ta klơ lĕ ntŭk prêh đŏng ôh.

Êsêkiêl 43:9

Aƀaơ ri, ăn khân păng chalơi lĕ nau văng tĭr jêh ri mƀăr săk jăn khĭt khân păng ngai đah Gâp ri mơ Gâp mra gŭ ta nklang khân păng n'ho ro.

Êsêkiêl 47:1

Jêh ta nây, păng leo gâp hăn đŏng rlet ma mpông pêr ngih brah jêh ri aơ, n'hor dak krong luh tă bơh tâm dâng mbong ngih brah hoch rlet mpeh luh nar (yorlah ngih brah ndâk rle luh nar). N'hor dak nây tă bơh pŭng pa ma ngih brah jŭr hoch mpeh pa dâng nơng ƀư brah.

Ndrom Samƀŭt bơh Ôsê 11:9

Gâp mâu mra ƀư ôh tĭng nâm nau Gâp ji nuih Jêh ri mâu mra ƀư rai ôh Êphraim. Yorlah Gâp jêng Brah Ndu mâu di jêng bunuyh ôh; Gâp jêng Nơm Kloh Ueh gŭ ta nklang may, Gâp mâu mra văch ma may tâm nau ji nuih.

Yôel 2:27

Khân may mra gĭt pô aơ Gâp gŭ ta nklang phung Israel, Jêh ri gĭt pô aơ Gâp jêng Yêhôva Brah Ndu khân may, Mâu hôm geh nơm êng ôh. Phung ƀon lan Gâp mâu mra geh nau bêk prêng đŏng ôh.

Sôphôni 3:15

Brah Yêhôva hŏ sŏk lơi jêh nau phat dôih bơh ay, Păng nsot lĕ nơm rlăng ay. Hađăch Israel jêng Brah Yêhôva gŭ ta nklang ay, Ay mâu mra hôm klach nau mhĭk đŏng ôh.

Sakari 2:5

Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Mathay 18:20

Yor lah ta ntŭk geh bar pe nuyh khân may tâm rƀŭn, ma amoh săk Gâp, ta nây Gâp mra gŭ ta nklang khân păng.”

Luka 18:8

Gâp lah ma khân may, Păng mra gơnh ro phat dôih sŏng ma khân păng. Ƀiălah tơlah Kon Bunuyh văch, Păng hôm saơ nau chroh ta klơ neh ƀơh?”

Nau Vay Nkah Tay 23:14

Yorlah Yêhôva Brah Ndu hăn nsong tâm nklang rmlak tahan khân may, gay ma tâm rklaih jêh ri jao phung rlăng ma khân may, yor ri ăn rmlak tahan khân may jêng kloh ueh, gay ma Păng mâu saơ ôh du ntil ndơ ƀơ̆ ta nklang khân may kŏ tât du tă bơh khân may.”

Nau Tâm Mpơl 2:1

“Nchih hom ma phung tông mpăr ma Phung Ngih Brah Ndu ta ƀon Êphêsô pô aơ: Aơ jêng nau ngơi Nơm djôt pơh mănh mbing tâm ti ma, jêh ri hăn ta nklang pơh jâng kađen mah: