May chop khâl neh ntu jêh ri djrah păng, Ƀư ma păng geh neh ueh; Ăn n'hor dak Brah Ndu bêng ma dak. Păng rơm ndrăp neh ntu Gay ăn ba răch ma kon bunuyh.
Dôl may saơ tâm du n'gor geh phung o ach bu tŭn jot, nau sŏng jêh ri nau di bu jot rchal, lơi ta hih rhâl ôh ma nau nây; yorlah du hê kôranh toyh geh kôranh toyh lơn nking n'gang jêh ri ta klơ khân păng hôm e geh kôranh toyh lơn đŏng.
Ueh lơn may hŏ rkêng tôr iăt lĕ nau vay ntăm bơh Gâp, Pônây nau đăp mpăn may mra jêng jêh tâm ban ma n'hong dak krong, Jêh ri nau sŏng srăng may tâm ban ma rbuh dak mƀŭt;
Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.
Moh ndơ gâp mra djôt gay tâm mpơl tanăp măt Brah Yêhôva, Jêh ri chon mbah tra năp măt Brah Ndu ta klơ lơn? Gâp mra văch tât tra năp măt Păng ma lĕ ndơ ƀư brah gŭch Jêh ri ma phung kon ndrôk du năm ƀơh?