Nau Mprơ Ơm 46:2 - Nau Brah Ndu Ngơi 2023

² Yor ri, hên mâu klach ôh, nđâp lah neh ntu geh nau rgâl, Yôk mpât n'gơ jêh ri bu klŭp tâm nklang dak mƀŭt.

Nau Mprơ Ơm 46:2 ပူးပေါင်းရင်းမြစ်များ

II Samuel 22:3

Brah Ndu gâp jêng lŭ toyh gâp, jêng ntŭk gâp gŭ krap, Jêng khêl jêh ri jêng nke ma nau tâm rklaih gâp, Jêng pôih nâp jêh ri ntŭk gâp gŭ krap, Nơm tâm rklaih gâp ăn gâp rklaih tă bơh phung djơh mhĭk.

Nau Mprơ Ơm 142:6

Dăn May iăt nau gâp nter, Yor gâp jêng rêh ni ngăn ngên. Sâm rklaih an gâp bơh phung ƀư mhĭk đah gâp Yor khân păng ktang lơn ma gâp.

Nau Mprơ Ơm 18:7

Rnôk aơ neh ntu n'găr mpât, Mbon lĕ yôk n'gơ n'găr tâm ban lĕ yorlah Păng ji nuih ngăn.

Nau Mprơ Ơm 23:4

Nđâp tơlah gâp hăn tâm rlŭng gui nau khĭt Gâp mâu hôm klach du ntil nau mhĭk ôh, Yorlah Kôranh Brah gŭ ndrel ma gâp; Mâng kanuăk jêh ri mâng jra Kôranh Brah Bonh leng gâp.

Nau Mprơ Ơm 27:3

Nđâp tơlah du phung tahan ndâk vâl bok tâm tham đah gâp, Nuih n'hâm gâp mâu mra klach ôh; Nđâp tơlah nau tâm lơh hao toyh tâm rdâng đah gâp, Rnôk nây gâp ăt gŭ nâp rnơm tâm Kôranh Brah.

Nau Mprơ Ơm 28:7

Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 37:39

Nau tâm rklaih phung sŏng srăng văch tă bơh Brah Yêhôva; Păng jêng pôih nâp khân păng tâm rnôk rêh ni.

Nau Mprơ Ơm 59:17

Ơ Kôranh Brah jêng nau ktang gâp, gâp mra mprơ tâm rnê Păng; Yorlah Brah Ndu jêng ntŭk gâp nde krap, Nây jêng Brah Ndu bêng ma nuih n'hâm ueh ma kon.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Mprơ Ơm 62:9

Nanê̆ phung bu mâu yơk knŏng jêng nsôr n'hâm dơm, Phung bu yơk knŏng nau dơm dam; Djôt dơm ta klơ njing, khân păng n'gơch tâm ban rsau. Lĕ rngôch n'gơch lơn tâm ban ma n'hâm.

Nau Mprơ Ơm 82:5

Khân păng mâu gĭt mâu lĕ gĭt rbăng, Khân păng chuat hăn tâm nau ngo klĕng; Yor nây, lĕ rngôch mbon neh ntu n'gơ jêh.

Nau Mprơ Ơm 91:2

Gâp mra lah ma Brah Yêhôva pô aơ: “May jêng ntŭk nde krap jêh ri jêng pôih nâp ma gâp; Ăt jêng Brah Ndu gâp, gâp rnơm nsing tâm May.”

Yêrêmi 14:8

Ơ Kôranh Brah, May jêng nau kâp gân ma phung Israel, Nơm tâm rklaih tâm nau rêh ni, Mâm ƀư may nâm bu du huê bu năch tâm n'gor aơ, Nâm bu du huê bu năch veh bê̆ch njưh du măng?

Nahum 1:7

Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

Mathay 21:21

Brah Yêsu plơ̆ lah: “Nanê̆, Gâp mbơh ma khân may, tơlah khân may geh nau chroh jêh ri mâu đing ôh, ri mơ mâu knŏng khân may dơi ƀư nau Gâp hŏ ƀư jêh ma tơm rvi ôh, ƀiălah nđâp ma khân may dơi lah ma yôk aơ: ‘Pư hom bơh ntŭk aơ jêh ri nsăt tâm dak mƀŭt’ nau nây mra tât geh ro.

Luka 21:33

Trôk neh mra rlau lôch, ƀiălah nau Gâp ngơi mâu mra rlau lôch ôh.

ហេឞ្រើ 13:6

Pôri, he dơi janh lah: “Kôranh Brah kơl gâp, gâp mâu mra klach ôh. Moh bunuyh dơi ƀư ma gâp.”