Nau Mprơ Ơm 45:9 - Nau Brah Ndu Ngơi 2023

⁹ Tâm phung ndrŏng hađăch geh phung kon bu ur hađăch; Ur hađăch gŭ pa ma hađăch, ndơ nkrơ̆ ma mah Ôphir.

Nau Mprơ Ơm 45:9 ပူးပေါင်းရင်းမြစ်များ

I Phung Hađăch 10:11

Jêh ma nây, âk bôk kumpăn Y-Hiram rdeng mah tă bơh n'gor Ôphir, rdeng đŏng tơm si rte jêh ri lŭ khlay âk râk ngăn.

I Phung Hađăch 2:19

Pônây H'Batsêba hăn mâp hađăch Salômôn gay mbơh ma hađăch lĕ nau Y-Adônija ŭch. Hađăch dâk chuă vơt jêh ri kŭnh mbah panăp păng, jêh nây păng gŭ ta sưng hađăch păng nơm. Hađăch ntăm đă bu dơm du rnơl gŭ đŏng ma mê̆ hađăch gay păng gŭ mpeh pa ma hađăch.

I Phung Hađăch 2:9

Ƀiălah, may lơi ta uănh ôh păng mâu geh nau rmal, yorlah may jêng du huê gĭt mĭn jêh ri gĭt ƀư moh nau ma păng. May ƀư hom ma bôk mbra păng krêp mham hăn jŭr tâm ƀon phung khĭt.”

I Nau Rêh Jêng 1:23

Y-Ôphir, Y-Havila, jêh ri Y-Jôbap. Lĕ rngôch phung nây jêng phung kon bu klâu Y-Jôktan.

Ndrom Samƀŭt bơh Yôp 22:24

Mƀăr lơi mah tâm ndruyh neh, Jêh ri klŭp lơi mah Ôphir tâm lŭ ta nklang dak,

Nau Mprơ Ơm 45:13

Kon bu ur hađăch gŭ tâm ngih hađăch chrêk rmah ngăn; Ao păng tanh ma mah

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nau Hôr 7:17

Gâp hŏ djrah jêh ntŭk bê̆ch Đah dak si tăng, alôê jêh ri ma sinamôn.

Nau Mprơ Ueh 7:1

Hơi kon bu ur hađăch, Mâm ƀư jâng ay nsoh hăn ma jep ueh ngăn! Tơm blu ay nâm bu rvang ndơ nkrơ̆, Jêng kan ti du huê njêh.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Yôhan 3:29

Mbu mhe gŭ ur, păng nây jêng klay; ƀiălah mĭt jiăng klay gŭ iăt jêh ri maak răm ngăn nôk tăng bâr klay ngơi. Nây jêng nau gâp răm maak nanê̆ rĭng ngăn.

Nau Tâm Mpơl 19:7

Răm maak hom, hâk maak hom, tâm rnê hom ma Păng, yorlah rƀŭn tâm nsông Kon Biăp tât jêh jêh ri Ur Păng ndrăp lor jêh săk păng.

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.

Nau Tâm Mpơl 21:24

Phung mpôl băl bunuyh mra nhuat hăn tă bơh nau ang ƀon; phung hađăch tâm neh ntu mra djôt nau chrêk rmah khân păng nơm lăp ta nây.

Nau Tâm Mpơl 21:9

Du huê tâm pơh nuyh tông mpăr djôt pơh mlâm ngan dơ bêng ma pơh nau tât nglĕ dŭt văch ngơi đah gâp pô aơ: “Văch hom, gâp mra ntĭm ma may saơ Ƀăn jêng Ur ma Kon Biăp.”