Nau Mprơ Ơm 45:6 - Nau Brah Ndu Ngơi 2023

⁶ Ơ Brah Ndu, sưng hađăch May hôm ƀaƀơ n'ho ro; Nau dơi ƀon bri hađăch May jêng nau dơi sŏng.

Nau Mprơ Ơm 45:6 ပူးပေါင်းရင်းမြစ်များ

II Samuel 23:4

Păng jêng nâm bu nchrat ang ôi, tơlah ƀli luh nar, Kêng ôi mâu geh ndâr tŭk ôh; Nâm bu nau ang nchrat lah jêh mih, Ƀư ma gơ̆ nse chăt bơh neh.’

Nau Mprơ Ơm 145:13

Ƀon bri hađăch May jêng ƀon bri hađăch n'ho ro, Nau May chiă uănh gŭ mro tă bơh rơh aơ tât rơh ri.

Nau Mprơ Ơm 89:29

Gâp mra ƀư ăn noi deh păng hôm n'ho ro Jêh ri sưng hađăch păng mra hôm gŭ rêh nâm bu ăp nar tâm trôk.

Nau Mprơ Ơm 93:2

Sưng hađăch May njêng nâp jêh bơh rnôk kăl e; May gŭ bơh n'ho ro.

Nau Mprơ Ơm 98:9

Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Nau Kơp Bunuyh 24:8

Brah Ndu hŏ njŭn jêh khân păng luh bơh n'gor Êjipt; Khân păng geh nau ktang nâm ndrôk bri, Mra rvăn lĕ bri dak rlăng ma khân păng, Nkê̆ch lơi jêh nting khân păng jêng âk gâl, Jêh ri pănh ma hăr ƀư rai khân păng.

Yôhan 1:1

Ntơm saơm geh Nau Ngơi, Nau Ngơi gŭ ndrel ma Brah Ndu, jêh ri Nau Ngơi jêng Brah Ndu nơm.

Nau Vay Nkah Tay 32:42

Gâp mra ƀư ma hăr djrêp mham, Măt đao sa rvăn puăch, Jêng mham bơh phung bunuyh bu nă jêh ri phung bu sreh nkhĭt jêh, Bôk phung kôranh tahan rlăng.”

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.