Nau Mprơ Ơm 45:17 - Nau Brah Ndu Ngơi 2023

¹⁷ Gâp mra ăn amoh may dơi kah gĭt tâm lĕ rnôk; Yor nây, phung mpôl băl bunuyh mra tâm rnê lah ueh ma may ƀaƀơ n'ho ro.

Nau Mprơ Ơm 45:17 ပူးပေါင်းရင်းမြစ်များ

Nau Mprơ Ơm 138:4

Ơ Brah Yêhôva, lĕ rngôch phung hađăch ta neh ntu mra tâm rnê ma May, Yorlah khân păng tăng jêh nau ngơi bơh bâr mbung May.

Nau Mprơ Ueh 6:9

Ƀiălah sĭm plŭk, hơi nơm ueh ngăn ngên, ay jêng mrô nguay! Jêng kon bu ur knŏng nguay ma mê̆ păng, Du huê kon nơm rŏng lơn ma nơm hŏ deh păng. Lĕ bu ur druh saơ păng rnê păng geh nau ueh uĭn da dê. Lĕ hađăch bu ur jêh ri ur yông tâm rnê păng da dê.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Êsai 61:9

Lĕ bri dak bu mra gĭt năl phung kon sau khân may, Phung sau se khân păng mra lư n'găr ta nklang phung ndŭl mpôl bunuyh; Lĕ rngôch phung saơ khân păng mra gĭt rbăng Khân păng jêng du phung ƀon lan Brah Yêhôva ăn nau ueh uĭn.

Êsai 62:3

May mra jêng du mlâm đon nau ueh tâm ti Brah Yêhôva, Mra jêng đon hađăch tâm ti Brah Ndu may.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 26:13

N'hêl nanê̆, Gâp lah ma khân may, lam neh ntu, ăp ntŭk bu mbơh nkoch ma Nau Mhe Mhan Ueh aơ, nau kan bu ur nây hŏ ƀư bu mra nkah tât gay kah gĭt păng.”

I Kôrintô 11:26

Pôri, ăp tơ̆ khân may sa piăng let aơ, nhêt kachok aơ, khân may nkoch nau Kôranh Brah khĭt, tât Păng văch tay.