Nau Mprơ Ơm 44:9 - Nau Brah Ndu Ngơi 2023

⁹ Ƀiălah aƀaơ May chalơi jêh hên, ƀư bêk prêng ma hên; May mâu lĕ hăn tâm lơh ndrel ma phung tahan hên đŏng ôh.

Nau Mprơ Ơm 44:9 ပူးပေါင်းရင်းမြစ်များ

Nau Mprơ Ơm 108:11

Ơ Brah Ndu, mâu di hĕ May yơh jêng Nơm chalơi jêh hên? Ơ Brah Ndu, May mâu hôm hăn tâm lơh ndrel ma phung tahan hên đŏng.

Nau Mprơ Ơm 43:2

Ơ Brah Ndu! May jêng pôih nâp ma gâp. Mâm ƀư May chalơi gâp? Mâm ƀư gâp rngot klâng. Tâm dâng nau tŭn jot phung rlăng?

Nau Mprơ Ơm 60:1

Ơ Brah Ndu! May chalơi jêh hên, May ăn hên jêng du pru pra; May nuih jêh ma hên. Ƀiălah aƀaơ njŭn leo hên plơ̆ tay.

Nau Mprơ Ơm 60:10

Ơ Brah Ndu, mâu di hĕ May chalơi jêh hên? Ơ Brah Ndu, May mâu hôm hăn tâm lơh ndrel ma phung tahan hên đŏng hĕ?

Nau Mprơ Ơm 74:1

Ơ Brah Ndu! Mâm ƀư May chalơi hên ƀaƀơ? Mâm ƀư May ji nuih ma phung biăp tâm ndrêch gơ̆ nse May?

Nau Mprơ Ơm 88:14

Ơ Brah Yêhôva! Mâm May chalơi huêng gâp, Jêh ri pôn muh măt May ma gâp?

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Yêrêmi 9:24

Ƀiălah mbu nơm tâm rnê tâm rnê hom ma: Nau gĭt rbăng jêh ri gĭt năl Gâp jêng Brah Yêhôva, Nơm mra ƀư nuih n'hâm nau rŏng bu, Nau kloh ueh jêh ri sŏng srăng ta neh ntu; Yorlah Gâp ŭch rŏng lĕ nau nây.” Brah Yêhôva lah pônây.