Nau Mprơ Ơm 44:14 - Nau Brah Ndu Ngơi 2023

¹⁴ May ƀư ma hên jêng nau ngơi ta nklang lĕ bri dak, Tâm phung mpôl băl bunuyh mbu saơ hên ăt rteh bôk.

Nau Mprơ Ơm 44:14 ပူးပေါင်းရင်းမြစ်များ

Yêrêmi 24:9

Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Ndrom Samƀŭt bơh Yôp 16:4

Tơlah khân may gŭ tâm nau rêh geh kơt gâp, Gâp dơi lah tâm ban khân may đŏng; Gâp ăt drăp nkra rplay ngơi tâm rdâng đah khân may, Jêh ri rteh bôk uănh khân may.

II Phung Hađăch 19:21

Aơ jêng nau Brah Yêhôva hŏ lah ma păng: ‘Bu ur druh ƀon Siôn Tâm rmot ma păng, gơm mưch ma may; Kon bu ur ƀon Yêrusalem Rteh bôk pakơi may.

Êsai 37:22

aơ, jêng nau Brah Yêhôva hŏ lah ma păng: ‘Bu ur druh ƀon Siôn Tâm rmot ma may, gơm mưch ma may; Kon bu ur ƀon Yêrusalem Rteh bôk pakơi may!

Nau Mprơ Ơm 109:25

Gâp jêng ndơ ma khân păng mưch; Ăp tơ̆ khân păng saơ gâp, khân păng rteh bôk.

Nau Mprơ Ơm 22:7

Lĕ rngôch mbu nơm saơ gâp gơm mưch da dê, Nsut mbung rteh bôk jêh ri lah:

Ndrom Samƀŭt bơh Yôp 17:6

“Păng ƀư ma gâp jêng ndơ gơm ma lĕ rngôch bunuyh, Gay lĕ bunuyh soh dak diu tâm muh măt gâp.

II Nau Rêh Jêng 7:20

nôk nây Gâp mra rôk lơi khân may luh du bơh bri Gâp hŏ ăn jêh ma khân may. Bi ma ngih brah Gâp hŏ ƀư kloh ueh ma amoh Gâp, Gâp mra mƀăr lơi păng bơh Gâp, jêh ri mra ăn păng jêng du bôk nau mprĭng ma lĕ rngôch phung ƀon lan ngơi hôr juar jêh ri gơm mpray.

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

Nau Vay Nkah Tay 28:37

Jêh ri khân may mra jêng du nau krit kir, du nau bu gơm jêh ri du nau ngơi srơh mbơh bir ta nklang phung ƀon lan Brah Yêhôva mra njŭn khân may tât.

Nêhêmi 2:17

Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Nau Mprơ Ơm 79:4

Hên jêng ndơ bu tâm rmot jêh ma phung chiau meng hên, Ndơ suai rak jêh ri ndơ gơm mưch ma phung gŭ jŭm hên.

Nau Mprơ Ơm 123:3

Ơ Brah Yêhôva! Yô̆ nđach an ma hên ƀă, yô̆ nđach an ma hên ƀă! Yorlah hên mpay jêh ma nau bu rmot.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.