Nau Mprơ Ơm 44:11 - Nau Brah Ndu Ngơi 2023

¹¹ May ăn hên jêng tâm ban ma biăp bu djôt hăn ƀư puăch Jêh ri ăn hên nchah rai pru pra tâm lĕ bri dak.

Nau Mprơ Ơm 44:11 ပူးပေါင်းရင်းမြစ်များ

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

Nau Mprơ Ơm 106:27

Ƀư ma phung noi deh khân păng cha lôt khĭt nklang lĕ bri dak, Jêh ri nchah du khân păng tâm lĕ n'gor bri.”

Nau Mprơ Ơm 14:4

Di lĕ rngôch phung djơh mhĭk mâu gĭt rbăng da dê? Khân păng sa rvăn phung ƀon lan Gâp tâm ban ma sa ƀănh, Jêh ri mâu mâp kuăl mbơh sơm ma Brah Yêhôva.

Nau Mprơ Ơm 60:1

Ơ Brah Ndu! May chalơi jêh hên, May ăn hên jêng du pru pra; May nuih jêh ma hên. Ƀiălah aƀaơ njŭn leo hên plơ̆ tay.

Yêrêmi 12:3

Ơ Brah Yêhôva, May gĭt jêh gâp! May saơ gâp, May ôp sek nuih n'hâm gâp ndrel ma May. Dăn nkhah khân păng luh nâm bu nkhah biăp gay djôt tât ntŭk sreh nkhĭt Prăp êng khân păng ma nar sreh nkhĭt.

Yêrêmi 32:37

‘Aơ, Gâp mra rgum tâm rƀŭn khân păng tă bơh lĕ rngôch bri Gâp hŏ mprơh jêh khân păng tâm nau hao nuih, nuih hâu ngăn jêh ri tâm nau ji nuih Gâp mra njŭn khân păng plơ̆ sĭt ma ntŭk aơ jêh ri ăn ma khân păng gŭ pah kan đăp mpăn.

Êsêkiêl 34:12

Nâm bu du huê rmăk biăp tĭng joi phung biăp păng tâm nar păng gŭ ta nklang phung biăp păng lĕ nchah rai nhhơt, Gâp ăt joi biăp Gâp nâm bu pônây lĕ. Gâp mra tâm rklaih khân păng luh du bơh lĕ rngôch ntŭk khân păng bơh lĕ rngôch ntŭk khân păng hŏ nchah rai nhhơt tâm nar tŭk mbâl ngo klĕng.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Samƀŭt Pôl Njuăl Ăn Ma Phung Nsing Ta Ƀon Rôm 8:36

Tâm ban geh nchih jêh: “Yor ma Kôranh Brah bu ŭch nkhĭt hên ăp nar; Bu uănh hên tâm ban ma biăp djôt hăn ƀư puăch.”

Nau Vay Nkah Tay 28:64

Brah Yêhôva mra ăn khân may chah rai ta nklang lĕ rngôch phung ƀon lan, ntơm bơh dŭt bri neh đah aơ ma dŭt bri neh đah ri. Ta nây, khân may mra pah kan ma phung brah êng ƀư ma si, ƀư ma lŭ, lĕ khân may nđâp phung chô yau khân may mâu hŏ mâp gĭt ôh.

Nau Vay Nkah Tay 4:27

Brah Yêhôva mra tâm nkhah khân may ta nklang phung ndŭl mpôl bunuyh, knŏng hôm e djê̆ dơm tâm ăp bri dak, ntŭk Brah Yêhôva mra nsot khân may tât.

Phung Kôranh Phat Dôih 2:14

Pônây Brah Yêhôva ji nuih ngăn ma phung Israel. Păng jao khân păng tâm ti phung pit in gay phung nây sŏk lĕ ndơ khân păng. Păng tăch phung Israel ma phung rlăng gŭ văr jŭm khân păng jêh ri phung Israel mâu hôm dơi ôh tâm rđâng đah phung rlăng khân păng.