Nau Mprơ Ơm 44:1 - Nau Brah Ndu Ngơi 2023

¹ Ơ Brah Ndu, trôm tôr hên tăng, Phung chô yau hên hŏ nkoch jêh Kan May ƀư jêh tâm rnôk khân păng Ntơm bơh kăl e.

Nau Mprơ Ơm 44:1 ပူးပေါင်းရင်းမြစ်များ

Nau Mprơ Ơm 22:31

Noi deh nây mra mbơh nau sŏng srăng Păng; Nkoch tay ma rơh kăndơ̆ pô aơ Brah Yêhôva hŏ ƀư jêh nau nây.

Nau Mprơ Ơm 42:1

Ơ Brah Ndu! Huêng gâp ŭch mĭn ma May, Tâm ban ma du mlâm jun me ji hir n'hor dak.

Nau Mprơ Ơm 71:18

Ơ Brah Ndu, nđâp lah gâp lĕ ranh jêh ri sŏk ndra jêh, Lơi ta May chalơi gâp ôh Kŏ tât gâp mbơh nau dăng ktang May ma rnôk kăndơ̆, Jêh ri nau brah May ma noi deh ndơn pakơi.

Nau Mprơ Ơm 77:5

Gâp mĭn rvê ma nar kăl e Jêh ri lĕ năm rlau jêh.

Êsai 38:19

Nơm rêh, knŏng nơm gŭ rêh yơh, mra tâm rnê lah ueh ma May, Tâm ban ma gâp ƀư nar aơ. Phung ƀư mbơ̆ ntĭm hom kon khân păng Gĭt năl nau răp jăp May.

Yôel 1:3

Nkoch hom nau aơ ma phung kon sau khân may, Jêh nây phung kon khân may nkoch tay ăn ma phung khân păng, Jêh ri phung kon khân păng mra nkoch tay ăn ma rnôk kăndơ̆.

Nau Vay Nkah Tay 6:20

Kăndơ̆ taơ, lah kon sau may ôp: ‘Nâm bu ntĭt lĕ nau ntĭnh, lĕ nau vay dăp jêh ri lĕ nau vay ƀư aơ moh jêng dĭng Yêhôva Brah Ndu ntrŭnh ma mbơ̆ khân may?’

Phung Kôranh Phat Dôih 6:13

Y-Gidêôn lah: “Hơi kôranh, tơlah Brah Yêhôva gŭ ndrel ma hên, mâm ƀư lĕ rngôch nau aơ dơi tât ma hên? Phung chô yau hên nkoch tay ma hên pô aơ: ‘Brah Yêhôva hŏ njŭn jêh hên du luh bơh Êjipt’. Aƀaơ lĕ rngôch nau khlay ngăn ri mbah ntŭk gŭ? Ƀiălah Brah Yêhôva chalơi hên jêh ri jao hên tâm ti phung Madian.”