Nau Mprơ Ơm 43:2 - Nau Brah Ndu Ngơi 2023

² Ơ Brah Ndu! May jêng pôih nâp ma gâp. Mâm ƀư May chalơi gâp? Mâm ƀư gâp rngot klâng. Tâm dâng nau tŭn jot phung rlăng?

Nau Mprơ Ơm 43:2 ပူးပေါင်းရင်းမြစ်များ

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Nau Mprơ Ơm 140:7

Ơ Kôranh Brah jêng Brah Yêhôva, jêng nau ktang tâm rklaih gâp, May king n'gang bôk gâp ta nar tâm lơh.

Nau Mprơ Ơm 28:7

Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 31:4

Dăn Kôranh Brah đŏt lơi gâp bơh nhuăl khân păng hŏ nthăng jêh, Yorlah May jêng ntŭk gâp gŭ krap.

Nau Mprơ Ơm 42:10

Dôl phung rlăng nsŭch ma gâp, Ăp nar khân păng ôp ƀaƀơ: “Mbah Brah Ndu may?” Ƀư ma gâp ji ngăn nâm bu pă nting.

Nau Mprơ Ơm 42:9

Gâp lah ma Brah Ndu jêng Lŭ Toyh gâp pô aơ: “Mâm ƀư May chuêl gâp? Mâm ƀư gâp rngot klâng Tâm dâng nau tŭn jot phung rlăng?”

Nau Mprơ Ơm 44:9

Ƀiălah aƀaơ May chalơi jêh hên, ƀư bêk prêng ma hên; May mâu lĕ hăn tâm lơh ndrel ma phung tahan hên đŏng ôh.

Nau Mprơ Ơm 71:9

Lơi ta May chalơi gâp tâm rnôk lĕ ranh; Lơi ta du ngai bơh gâp tơlah nau ktang lĕ huănh hươi.

Nau Mprơ Ơm 77:7

“Kôranh Brah mra chalơi tât n'ho ro lĕ? Păng mâu mra hôm ăn nau ueh lĕ?

Nau Mprơ Ơm 88:15

Ntơm bơh hôm mom, gâp geh nau rêh ni bơi ma khĭt; May ƀư ma gâp krit ngăn jêh ri rŭng răng.

Nau Mprơ Ơm 94:14

Yorlah Brah Yêhôva mâu mra chalơi ôh phung ƀon lan Păng, Mâu lĕ Păng chalơi drăp ndơn Păng.

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Êsai 40:31

Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Êsai 45:24

Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Sakari 10:12

Gâp mra ƀư ăn dăng khân păng tâm Brah Yêhôva Jêh ri khân păng mra chuat hăn tâm amoh Păng.” Brah Yêhôva lah pônây.

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.