Nau Mprơ Ơm 43:1 - Nau Brah Ndu Ngơi 2023

¹ Ơ Brah Ndu! Dăn phat dôih ma gâp, Jêh ri koh dŏng nau gâp tâm rdâng đah du huê phung mâu chroh; Tâm rklaih hom gâp Bơh phung bunuyh ndơm jêh ri djơh mhĭk.

Nau Mprơ Ơm 43:1 ပူးပေါင်းရင်းမြစ်များ

II Samuel 15:31

Bu mbơh ma Y-Đavit: “Y-Ahitôpel đŏng gŭ tâm phung tâm nchră ndrel ma Y-Apsalôm.” Y-Đavit mbơh sơm: “Ơ Brah Yêhôva! Dăn ƀư ma tâm nchră kan Y-Ahitôpel jêng nau rluk.”

II Samuel 16:20

Y-Apsalôm lah ma Y-Ahitôpel: “Khân may nchră hom joi moh nau he mra ƀư?”

II Samuel 18:8

Nau tâm lơh lam n'gor bri nây; tâm nar nây, geh âk bunuyh khĭt roh tâm bri âk lơn đah nau khĭt ma tak đao.

Nau Mprơ Ơm 140:5

Phung sưr sân dăk, Khân păng nthăng rse ling nhuăl ta trong Jêh ri ƀư dăk sân ƀư mhĭk ma gâp. (Sêla)

Nau Mprơ Ơm 26:1

Ơ Brah Yêhôva, koh dŏng hom gâp, Yorlah gâp chuat jêh hăn tâm nau sŏng; Gâp rnơm nsing ma Brah Yêhôva, mâu rdja nuih ôh.

Nau Mprơ Ơm 35:1

Ơ Brah Yêhôva, dăn tâm rlăch đah phung tâm rlăch đah gâp, Dăn tâm lơh đah phung tâm lơh tâm rdâng đah gâp.

Nau Mprơ Ơm 35:24

Ơ Brah Yêhôva Brah Ndu gâp. Dăn koh dŏng gâp tĭng nau sŏng srăng Kôranh Brah; Lơi ăn khân păng geh nau mĭn gơm mưch ôh ma gâp.

Nau Mprơ Ơm 5:6

Kôranh Brah ƀư rai lơi phung ngơi mƀruh; Brah Yêhôva uănh ji ngăn phung ji hir mham jêh ri phung ƀư nau ndơm.

Nau Mprơ Ơm 54:3

Yorlah phung bu năch luh hao rdâng đah gâp, Bunuyh janh ƀai joi ƀư rai nau rêh gâp. Khân păng mâu ăn Brah Ndu gŭ tanăp măt khân păng. (Sêla)

Nau Mprơ Ơm 7:7

Ăn hom phung ƀon lan tâm rƀŭn jŭm May; Ta ntŭk prêh klơ May chiă uănh khân păng.

Nau Mprơ Ơm 7:8

Brah Yêhôva phat dôih mpôl băl bunuyh. Ơ Brah Yêhôva, dăn phat dôih ma gâp tĭng nau sŏng srăng gâp Jêh ri tĭng nau kloh ta nuih n'hâm gâp.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Mprơ Ơm 71:4

Ơ Brah Ndu gâp, tâm rklaih gâp bơh ti phung ƀai, Jêh ri bơh ti bunuyh kue jêh ri janh ƀai.

Nau Mprơ Ơm 75:7

Ƀiălah Brah Ndu nơm yơh ƀư nau phat dôih: Păng n'hŭch nơm aơ jŭr, n'hao nơm ri hao.

Nau Hôr 22:23

Yorlah Brah Yêhôva mra koh dŏng nau rplay ngơi khân păng, Jêh ri sŏk rhuăt nau rêh phung pit ntŭng ndô ndơ khân păng.

Nau Hôr 23:11

Yorlah Nơm Tâm Chuai khân păng jêng Nơm geh nau brah, Mra koh dŏng nau phong dôih bơh khân păng tâm rdâng đah may.

Mika 7:9

Gâp mra dơn nau Brah Yêhôva ji nuih Yorlah gâp ƀư tih jêh đah Păng, Kŏ tât Păng koh dŏng an ma yor dôih gâp Jêh ri phat an dôih ma gâp, Pôri Păng mra njŭn leo gâp tât ma nau ang, Gâp mra saơ nau sŏng srăng Păng.

I Kôrintô 4:4

Yorlah gâp mâu saơ tâm gâp nơm geh du nau tih, ƀiălah mâu di ma nau nây ôh gâp dơi kơp sŏng srăng. Nơm phat dôih gâp jêng Kôranh Brah yơh.

I Pêtrôs 2:23

Nôk bu rak rtăp, Păng mâu rak rtăp ma bu ôh; tâm nôk dơn nau rêh ni, Păng mâu mâp thăm rmat ôh; ƀiălah jao Păng nơm ma Nơm phat dôih sŏng.

I Samuel 24:15

Mbu hađăch phung Israel ŭch lơh? Mbu moh may ŭch tĭng? Du mlâm so khĭt! Du mlâm si so!