Nau Mprơ Ơm 42:6 - Nau Brah Ndu Ngơi 2023

⁶ Ơ Brah Ndu gâp! Huêng gâp rdja tâm nuih n'hâm gâp; Bơh bri neh Yurdan, bơh yôk Hermôn Jêh ri bơh dor Mitsar, Gâp kah gĭt tât ma May.

Nau Mprơ Ơm 42:6 ပူးပေါင်းရင်းမြစ်များ

II Samuel 17:22

Y-Đavit jêh ri lĕ rngôch phung gŭ n'hanh păng dâk rgăn dak krong Yurdan da dê. Ƀhit rvi ang, mâu hôm geh ôh du huê bunuyh ê hŏ rgăn dak krong Yurdan.

II Samuel 17:27

Tơlah Y-Đavit lĕ tât ta ƀon Mahanaim, Y-Sôbi, kon bu klâu Y-Nahas, tă bơh ƀon Raba phung Ammôn, nđâp ma Y-Makir, kon bu klâu Y-Amiêl, tă bơh ƀon Lôdêbar, jêh ri Y-Barsilai bunuyh Gilêat, tă bơh ƀon Rôgêlim,

Nau Mprơ Ơm 133:3

Păng jêng nâm bu dak ngom ta yôk Hermôn, Jŭr ta phung yôk Siôn. Yorlah ta nây Brah Yêhôva ăn jêh nau ueh uĭn Jêng nau rêh kŏ tât n'ho ro.

Nau Mprơ Ơm 22:1

Ơ Brah Ndu gâp! Ơ Brah Ndu gâp! Mâm ƀư May chalơi gâp? Mâm ƀư May gŭ ngai mâu ŭch kơl gâp jêh ri mâu tăng nau gâp nđêng?

Nau Mprơ Ơm 43:4

Rnôk nây gâp mra tât ta nơng Brah Ndu, Tât ma Brah Ndu jêng nau răm maak gâp n'ho ro: Ơ Kôranh Brah jêng Brah Ndu gâp, Gâp mra sŏk gong rêng mprơ tâm rnê May.

Nau Mprơ Ơm 43:5

Ơ huêng gâp, mâm ƀư may rdja nuih n'hâm jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê Păng đŏng: Yorlah Păng jêng Brah Ndu gâp jêh ri yor mâp măt Păng gâp dơi tâm rklaih.

Nau Mprơ Ơm 61:2

Bơh ntŭk dŭt bri neh, gâp kuăl ma May Yorlah nuih n'hâm gâp rêh ni. Njŭn gâp tât ta lŭ toyh Prêh lơn ma gâp.

Yônais 2:7

Gâp hŏ jŭr jêh tât lĕ mbon jâng yôk; Neh hŏ sŏk rnăng păng rdâl ta klơ gâp n'ho ro. Ơ Yêhôva Brah Ndu gâp, May hŏ djôt jêh nau rêh gâp tă bơh trôm Jru!

Mathay 26:39

Hăn ngai đê̆, Brah Yêsu kŭnh muh măt, jêh ri mbơh sơm “Ơ Mbơ̆! Tơlah dơi, dăn ăn kachok aơ du luh bơh Gâp! Nđâp lah pônây, mâu di tĭng nâm Gâp ŭch, ƀiălah tĭng nâm May ŭch.”

Mathay 27:46

Klăp lah pe mông mhaơ, Brah Yêsu nter dŭt nteh: “Êli, Êli, lama sabaktani?” nâm bu ntĭt: “Ơ Brah Ndu gâp! Ơ Brah Ndu gâp! Mâm ƀư May chalơi gâp?”