Nau Mprơ Ơm 42:4 - Nau Brah Ndu Ngơi 2023

⁴ Kăl e gâp hăn ndrel ma băl âk, Leo khân păng tât ta ngih Brah Ndu Geh bâr troh maak jêh ri mprơ tâm rnê, Ta nklang băl âk gŭ tâm rƀŭn. Aƀaơ kah gĭt lĕ nau nây Nuih n'hâm gâp rngot klâng, nuih n'hâm rngot ngăn ngên.

Nau Mprơ Ơm 42:4 ပူးပေါင်းရင်းမြစ်များ

II Phung Hađăch 18:30

Lơi ăn Y-Hêsêkia ndơm khân may rnơm nsing ma Brah Yêhôva tơlah pô aơ n'hêl nanê̆ Brah Yêhôva mra tâm rklaih he; jêh ri bu mâu mra jao ƀon aơ tâm ti hađăch Asiri ôh.

II Phung Hađăch 18:32

kŏ tât tơlah gâp văch njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh, piăng let jêh ri đang krăk ƀâu, du n'gor geh dak ngi ôlive jêh ri dak sŭt. Pônây, khân may mra dơi gŭ rêh jêh ri mâu khĭt ôh. Pônây khân may lơi iăt ôh nau Y-Hêsêkia, yorlah păng ndơm mƀruh khân may nôk pô aơ Brah Yêhôva mra tâm rklaih he.

II Nau Rêh Jêng 7:10

Nar bar jât ma pe khay pơh, păng ăn phung ƀon lan hăn sĭt rlet ngih vâl khân păng nơm. Nuih n'hâm lĕ rngôch bunuyh răm maak jêh ri hâk răm ngăn yor lĕ nau ueh Brah Yêhôva hŏ ƀư jêh ma Y-Đavit, ma Y-Salômôn jêh ri ma phung ƀon lan Israel Păng.

Ndrom Samƀŭt bơh Yôp 29:2

“Ơ! Ŭch ma gâp dơi rêh nâm bu nôk lor, Nâm bu lĕ nar Brah Ndu mât mray gâp;

Nau Mprơ Ơm 100:4

Tâm rnê lah ueh hom jêh ri lăp tâm mpông pêr Păng, Mprơ tâm rnê hom jêh ri lăp tâm nkual ngih Păng. Tâm rnê lah ueh ma Păng, mât ton tâm amoh Păng.

Nau Mprơ Ơm 102:10

Jêh ri rvăn dak tăng tâm pot đah ndơ gâp nhêt. Yorlah May chông gâp hao prêh jêh ri mƀăr gâp tâm ntŭk dêh.

Nau Mprơ Ơm 115:2

Mâm ƀư lĕ bri dak nănh ngơi pô aơ: “Ta ntŭk Brah Ndu khân păng?”

Nau Mprơ Ơm 122:1

Gâp maak tơlah bu lah ma gâp pô aơ: “Hăn hom he ta ngih Brah Yêhôva.”

Nau Mprơ Ơm 122:8

Yorlah phung oh nâu gâp jêh ri phung mĭt jiăng gâp, Gâp lah pô aơ: “Ăn nau đăp mpăn gŭ ta nklang may!”

Nau Mprơ Ơm 55:14

Jêng phung tă nkoch bri ndrel rŏng ngăn ma gâp, Jêh ri hên hăn ndrel jêh ma phung âk tât ngih Brah Ndu.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Mprơ Ơm 79:10

Mâm ƀư phung mpôl băl lah pô aơ: “Mbah ntŭk Brah Ndu khân păng?” Ăn nau har plơng yor mham phung oh mon May hŏ nkhŭt jêh Dơi ƀư nklang phung ƀon lan tanăp hên.

Nau Mprơ Ơm 80:6

May ƀư hên jêng ndơ tâm djrel tâm rlăch ma phung chiau meng hên; Jêh ri phung rlăng gơm mưch hên ndrăng khân păng nơm.

Êsai 30:29

Aƀaơ, khân may mra mprơ tâm ban ma tâm măng bu ƀư nau rƀŭn kloh ueh. Khân may mra geh nuih n'hâm maak tâm ban ma nơm uh n'hôm hăn hao ta klơ yôk Brah Yêhôva, văch ma Lŭ Toyh Israel.

Nau Nhĭm Vơl 2:19

Dôl măng, dâk hom kuăl mbơh sơm Tâm ăp bôk măng! Nkhŭt hom nuih n'hâm nâm bu dak Tanăp Kôranh Brah. Yơr hom ti may rle mpeh Kôranh Brah Yor nau rêh jêng phung kon may, Khân păng huăr yor ji ngot, Gŭ lam ăp ntŭk njônh trong ƀon toyh.

Nau Nhĭm Vơl 4:1

Ơ yuh! Mah lĕ roh nau chrêk, Mah chrêk lĕ rgâl jêh! Lĕ glo lŭ kloh ueh gŭ ta aơ ta ri Tâm ăp ntŭk njônh trong sâng!

Êsêkiêl 46:10

Hađăch ndrel phung ƀon lan mra hăn lăp du tơ̆ jêh ri tơlah phung ƀon lan du luh hađăch ăt du luh đŏng.

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.

Luka 16:25

Ƀiălah Y-Abraham plơ̆ lah: ‘Hơi kon, kah gĭt tay hom dôl may gŭ rêh, may dơi dơn lĕ nau ueh jêh, bi Y-Lasar dơn âk nau djơh; aƀaơ aơ, păng geh nau bonh leng, bi may gŭ tâm nau rêh ni dŭt hâu ngăn.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Bu ur Rut 1:21

Gâp hăn luh ndrel ma drăp ndơ bêng ler, Ƀiălah Brah Yêhôva njŭn gâp sĭt ti dơm. Brah Yêhôva tâm rdâng jêh đah gâp Jêh ri Nơm Geh Lĕ Nau Brah ƀư ăn gâp geh âk nau rêh ni. Mâm ƀư khân ay hôm kuăl gâp H'Naômi?”