Nau Mprơ Ơm 42:3 - Nau Brah Ndu Ngơi 2023

³ Ăp nar, bu ôp ma gâp: “Mbah ntŭk Brah Ndu may?” Pôri gâp rvăn dak măt ntrok ma ndơ sông sa Ăp măng nar.

Nau Mprơ Ơm 42:3 ပူးပေါင်းရင်းမြစ်များ

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

Nau Mprơ Ơm 102:9

Yor nau May nuih jêh ri ji nuih, Gâp sa ŭnh buh tâm ban ma sa ƀănh,

Nau Mprơ Ơm 115:2

Mâm ƀư lĕ bri dak nănh ngơi pô aơ: “Ta ntŭk Brah Ndu khân păng?”

Nau Mprơ Ơm 143:6

Gâp yơr ti let mpeh ma May; Huêng gâp ji hir ma May nâm bu neh sơh. (Sêla)

Nau Mprơ Ơm 22:8

“Păng jao păng nơm ma Brah Yêhôva, ăn May tâm rklaih păng; Yorlah May rŏng ma păng, ăn May tâm rklaih păng!”

Nau Mprơ Ơm 3:2

Âk ngăn nơm lah ma gâp pô aơ: “Brah Ndu mâu mra tâm rklaih păng ôh.” (Sêla)

Nau Mprơ Ơm 42:10

Dôl phung rlăng nsŭch ma gâp, Ăp nar khân păng ôp ƀaƀơ: “Mbah Brah Ndu may?” Ƀư ma gâp ji ngăn nâm bu pă nting.

Nau Mprơ Ơm 63:2

Ăn gâp gŭ uănh May tâm ngih kloh ueh. Gay uănh nau brah jêh ri nau chrêk rmah May.

Nau Mprơ Ơm 79:10

Mâm ƀư phung mpôl băl lah pô aơ: “Mbah ntŭk Brah Ndu khân păng?” Ăn nau har plơng yor mham phung oh mon May hŏ nkhŭt jêh Dơi ƀư nklang phung ƀon lan tanăp hên.

Nau Mprơ Ơm 79:12

Ơ Kôranh Brah, dăn mplơ̆ lơi ro ma lĕ bri dak văr jŭm hên bar âk lơn tơ̆ pơh. Ma nau khân păng ƀư mhĭk jêh ma May.

Nau Mprơ Ơm 80:5

May mât rong jêh khân păng ma ƀănh dak măt Jêh ri ăn khân păng nhêt dak măt bêng kachok.

Nau Mprơ Ơm 84:3

Ơ Brah Yêhôva ma phung tahan Jêng Hađăch gâp jêh ri jêng Brah Ndu gâp, Nđâp ma sĭm srai ăt dơi joi du ntŭk gay gŭ Jêh ri sĭm rlêng ăt dơi joi du ntŭk gay ƀư rsuăn păng deh kon, Jêng êp ntŭk nơng ƀư brah May.

Nau Ngluh Êjipt 23:17

Ăp năm pe tơ̆, lĕ rngôch phung bu klâu ăn hăn tanăp măt Kôranh Brah, jêng Brah Yêhôva.

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Nau Vay Nkah Tay 5:26

Yorlah mbu nơm tâm phung bunuyh tăng jêh bâr Brah Ndu gŭ rêh mro mrăng ngơi tă bơh tâm nklang ŭnh nâm bu phung hên ƀiălah hôm rêh?