Nau Mprơ Ơm 42:2 - Nau Brah Ndu Ngơi 2023

² Huêng gâp ji hir ma Brah Ndu, Jêng Brah Ndu gŭ rêh mro mrăng. Ndah jŏ gâp mra văch Jêh ri dơi mâp tanăp Brah Ndu?

Nau Mprơ Ơm 42:2 ပူးပေါင်းရင်းမြစ်များ

Ndrom Samƀŭt bơh Yôp 23:3

Ŭch ma gâp gǐt ta ntŭk dơi joi Kôranh Brah, Gâp mra văch gŭ tanăp sưng hađăch Păng!

Nau Mprơ Ơm 27:4

Gâp hŏ dăn jêh ma Brah Yêhôva du ntil nau Jêh ri mra joi nau nây! Nây jêng lĕ nau rêh gâp Dơi gŭ tâm ngih Brah Yêhôva Gay uănh nau ueh Brah Yêhôva Jêh ri gay dăn ôp tâm ngih brah Păng.

Nau Mprơ Ơm 43:4

Rnôk nây gâp mra tât ta nơng Brah Ndu, Tât ma Brah Ndu jêng nau răm maak gâp n'ho ro: Ơ Kôranh Brah jêng Brah Ndu gâp, Gâp mra sŏk gong rêng mprơ tâm rnê May.

Nau Mprơ Ơm 63:1

Ơ Brah Ndu, May jêng Brah Ndu gâp, Gâp joi May ma lĕ nuih n'hâm Tâm ban ma ntŭk neh sơh, đang, mâu geh dak. Huêng gâp ji hir ma May, Săk jăn gâp ŭch rŏng May.

Nau Mprơ Ơm 63:3

Yor nau ueh May ueh lơn ma nau rêh. Bâr mbung gâp mra mprơ tâm rnê ma May.

Nau Mprơ Ơm 84:10

Yorlah du nar tâm nkual nhuang May Jêng ueh lơn ma du rbăn nar ta ntŭk êng. Gâp hŏ săch jêh ŭch lơn ƀư bunuyh gak njrăng mpông tâm ngih Brah Ndu Rlau lơn jêng gŭ tâm ngih bok phung ƀai.

Nau Mprơ Ơm 84:2

Huêng gâp ŭch ngăn kŏ tât huăr hươi Ma nkual nhuang Brah Yêhôva; Nuih n'hâm jêh ri nglay săk gâp hă bâr mprơ tâm rnê Ma Brah Ndu gŭ rêh mro mrăng.

Nau Mprơ Ơm 84:4

Ueh maak yơh phung dơi gŭ tâm ngih May! Khân păng mra mprơ tâm rnê ma May mro mrăng. (Sêla)

Nau Mprơ Ơm 84:7

Khân păng hăn tât, nau ktang lơ hâu hao, Kŏ tât khân păng mpơl măt tanăp Brah Ndu ta Siôn.

Nau Ngluh Êjipt 23:17

Ăp năm pe tơ̆, lĕ rngôch phung bu klâu ăn hăn tanăp măt Kôranh Brah, jêng Brah Yêhôva.

Êsai 26:8

Ơ Brah Yêhôva, ngăn yơh, ta trong nau May phat dôih. Hên kâp gân May; Huêng hên ji hir ma May Ma amoh May jêh ri nau kah gĭt ndray ma May.

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Yôhan 5:26

Yorlah nâm bu Mbơ̆ geh nau rêh tâm Păng nơm, pôri Mbơ̆ ăn đŏng ma Kon nau rêh tâm Păng nơm kơt nây lĕ.

Yôhan 7:37

Tât nar nglĕ dŭt jêng nar dŭt khlay tâm năng rƀŭn, Brah Yêsu gŭ dâk ta nây jêh ri mbơh pô aơ: “Tơlah mbu nơm ji hir, văch hom ta Gâp jêh ri nhêt.

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

Yôsuê 3:10

Jêh ri Y-Yôsuê lah: “Yor nau nây, khân may mra gĭt ma Brah Ndu gŭ rêh mro mrăng gŭ ta nklang khân may, Păng mra mprơh lĕ phung Kanaan, phung Hitit, phung Hivit, phung Pêrisit, phung Girgasit, phung Amôrit, jêh ri Jêbusit du tă bơh năp khân may.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,