Nau Mprơ Ơm 41:9 - Nau Brah Ndu Ngơi 2023

⁹ Nđâp ma mĭt jiăng dăch lơn nuih n'hâm gâp rnơm nsing, Vay sa ƀănh gâp ăt yơk ndơl jâng tâm rdâng đah gâp.

Nau Mprơ Ơm 41:9 ပူးပေါင်းရင်းမြစ်များ

II Samuel 15:12

Dôl Y-Apsalôm nhhơr mpa ƀư brah, păng prơh bu hăn jă Y-Ahitôpel, bunuyh Gilô, jêng nơm nchră ma Y-Đavit, văch bơh Gilô. Nau tâm rdâng nây lơ hâu ktang lơn, jêh ri rnoh bunuyh phung ƀon lan tĭng ndô̆ Y-Apsalôm jêng lơ hâu âk.

Ndrom Samƀŭt bơh Yôp 19:13

Păng ƀư ăn oh nâu gâp du ngai đah gâp, Phung gĭt năl gâp jêng phung bu năch.

Ndrom Samƀŭt bơh Yôp 19:19

Lĕ rngôch mĭt jiăng tâm rmot ma gâp da dê, Phung gâp rŏng plơ̆ jêng rlăng jêh đah gâp.

Nau Mprơ Ơm 101:3

Gâp mâu mra dơm du ntil ndơ djơh mhĭk ôh tanăp măt gâp; Gâp tâm rmot ma kan phung mâu răp jăp, Khân păng mâu mra krêp ôh tât ma gâp.

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Apdia 1:7

Lĕ rngôch phung tâm rnglăp đah may hŏ mprơh may tât ta n'har bri. Phung mĭt jiăng may ndơm may nơm jêh ri tŭn jot may; Bi phung sa ƀănh may ƀư dăk sân may nơm Ƀiălah mâu gĭt đê̆ ro.

Mika 7:5

Lơi ta iăt nchroh ôh bunuyh chiau meng Jêh ri lơi ăn ôh nuih n'hâm may rnơm nsing mĭt jiăng may; Njrăng hom, lơi dĭng ngơi trôm mbung may Ndrel ma bu ur bê̆ch ta ntang ntơh may.

Mathay 26:23

Păng plơ̆ lah: “Mbu nơm dơm jêh ti tâm ngan ndrel ma Gâp, mra tâm rlăng Gâp.

Yôhan 13:18

Gâp mâu ngơi ma lĕ rngôch khân may ôh, Gâp gĭt năl đơ phung Gâp săch jêh. Ƀiălah nau ngơi tâm Nau Brah Ndu Ngơi aơ tât di ngăn: ‘Nơm sa ƀănh bơh Gâp, yơk jêh ndơl jâng tâm rdâng đah Gâp.’

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.