Nau Mprơ Ơm 41:1 - Nau Brah Ndu Ngơi 2023

¹ Ueh maak yơh ma phung mêt uănh ma phung o ach! Tâm nar rêh ni, Brah Yêhôva mra rklaih bunuyh nây.

Nau Mprơ Ơm 41:1 ပူးပေါင်းရင်းမြစ်များ

Nau Mprơ Ơm 112:9

Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

Nau Mprơ Ơm 34:19

Bunuyh sŏng srăng geh âk nau mhĭk tât; Ƀiălah Brah Yêhôva tâm rklaih păng ƀaƀơ.

Nau Mprơ Ơm 37:19

Tâm rnôk rêh ni khân păng mâu mra bêk prêng ôh; Tâm nar sât ji ngot khân păng ăt dơi hơm mpay.

Nau Mprơ Ơm 37:26

Ăp nar bunuyh sŏng srăng ƀư nau yô̆ jêh ri ăn manh; Noi deh păng geh nau ueh uĭn.

Nau Hôr 14:21

Mbu nơm tâm rmot ma phung chiau meng jêng tih, Bi ma nơm yô̆ nđach ma phung o ach geh nau ueh maak ngăn.

Nau Hôr 16:14

Nau hađăch ji nuih nâm bu nơm mbơh nau khĭt. Ƀiălah bunuyh blau mĭn ƀư ma păng aih jêh.

Nau Hôr 19:17

Mbu nơm gĭt yô̆ ma phung o ach jêng ăn Brah Yêhôva manh, Păng mra mplơ̆ sĭt nau kan ueh nây ăn ma păng.

Nơm Nti 12:1

Tâm năm mom ndăm, Kah gĭt hom ma Nơm Rhăk Njêng may, Êlor ma lĕ nar mhĭk văch tât; Êlor ma lĕ năm khay dăch tât May ngơi pô aơ: “Nuih n'hâm gâp mâu saơ nau maak ôh;”

Yêrêmi 39:17

Brah Yêhôva lah: ‘Ƀiălah tâm nar nây, Gâp mra rklaih may, may mâu mra jao tâm ti phung bunuyh ƀư ăn may klach ôh.

Markôs 14:7

Yorlah khân may geh ƀaƀơ phung o ach ndrel ma khân may, moh mông khân may ŭch ƀư nau ueh ma khân păng dơi da dê; ƀiălah Gâp mâu mra gŭ ndrel ma khân may ƀaƀơ ôh.

Kôranh Oh Mon 20:35

Gâp hŏ tă ntĭm nti jêh ma khân may, tâm lĕ nau kan, he gơih ƀư kan kơt nĕ gay sâm kơl phung ji kuet, jêh ri kah gĭt tay Kôranh Brah yơh jêng Brah Yêsu hŏ ntăm jêh: ‘Ăn ma bu jêng nau ueh lơn ma sŏk dơn.’ ”

Galati 2:10

Knŏng khân păng rkê̆ch tay hên du ntil kan jêng kah gĭt ma phung o ach, jêng nau gâp hŏ nđơr ƀư ngăn.

I Têsalônik 5:14

Hơi oh nâu, dăn khân may đă hom phung kơr ƀlao, n'hao nuih n'hâm phung rdja, srôih đah lĕ rngôch bunuyh.

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

Nau Tâm Mpơl 3:10

Yorlah may djôt prăp jêh nau Gâp ntĭm nti ma nau srôih, Gâp ăt mra djôt prăp may bơh mông rlong uănh, jêng mông dăch tât tâm lam neh ntu, gay rlong uănh phung bunuyh gŭ tâm neh ntu.

Bu ur Rut 2:19

Po păng ôp: “Ntŭk ay mban ba nar aơ? Ntŭk ay kan? Nau ueh uĭn ngăn ma nơm meng ma ay!” Păng nkoch tay ma po păng gĭt ntŭk păng pah kan. Păng lah: “Kôranh tâm lôk mir gâp pah kan ndrel nar aơ amoh Y-Bôas.”