Nau Mprơ Ơm 40:6 - Nau Brah Ndu Ngơi 2023

⁶ May mâu ŭch ôh ma mpa ƀư brah mâu lah ndơ ƀư brah rnih môi, May mâu dăn ôh ndơ ƀư brah gŭch mâu lah ndơ ƀư brah chuai nau tih, Ƀiălah May pơk jêh tôr gâp gay ma iăt nau May.

Nau Mprơ Ơm 40:6 ပူးပေါင်းရင်းမြစ်များ

Ndrom Samƀŭt bơh Yôp 33:16

Nôk nây, Păng pơk trôm tôr kon bunuyh, Tâp pŏng lĕ Nau ntăm nti,

Ndrom Samƀŭt bơh Yôp 5:9

Păng pah kan toyh ngăn jêh ri bu mâu dơi ôh chrâng, Âk ntil nau khlay ngăn kơp mâu dơi lôch.

Nau Mprơ Ơm 139:17

Ơ Brah Ndu, lĕ nau mĭn May khlay âk ngăn ma gâp! Lĕ nau mĭn nây dŭt toyh!

Nau Mprơ Ơm 139:18

Lah gâp ŭch kơp lĕ nau mĭn nây mra âk lơn choih. Nôk gâp kah rngăl, ăt gâp gŭ ndrel ma May.

Nau Mprơ Ơm 50:8

Gâp mâu nduyh may ôh yor lĕ mpa ƀư brah Mâu lĕ nduyh may yor ndơ ƀư brah gŭch gŭ tanăp Gâp mro.

Nau Mprơ Ơm 51:16

Yorlah May mâu maak ôh ma mpa ƀư brah, nđâp lah gâp mra nhhơr. Ndơ ƀư brah gŭch ăt mâu ƀư maak nuih n'hâm May.

Nau Mprơ Ơm 71:15

Bâr mbung gâp mra nkoch tay nau sŏng srăng May, Ăp nar gâp mbơh nau May tâm rklaih, Yorlah gâp mâu gĭt mâm nkoch gay ma lĕ.

Nau Ngluh Êjipt 21:6

pôri kôranh păng mra njŭn leo păng tanăp Brah Ndu, djôt leo păng hăn ta mpông mâu lah ta n'gâng mpông, jêh nây kôranh nây chuh tôr păng ma mâng mplanh; bunuyh dĭk nây mra pah kan ma kôranh păng lôch nau rêh păng.

Êsai 1:11

Brah Yêhôva lah “Âk râk ndơ khân may ƀư brah mâu geh khlay ôh ma Gâp? Gâp hŏ dĭl jêh đah ndơ ƀư brah gŭch ma biăp nkuăng, Jêh ri ngi mpô mpa lay. Gâp mâu maak ôh ma mham ndrôk nkuăng, Mâu lah kon biăp jêh ri be nkuăng.

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Ndrom Samƀŭt bơh Ôsê 6:6

Yorlah Gâp ŭch nuih n'hâm nau yô̆ mâu di ôh mpa ƀư brah, Ŭch nau gĭt năl Brah Ndu lơn đah ndơ ƀư brah gŭch.

Amôt 5:22

Nđâp tơlah khân may nhhơr ma Gâp ndơ ƀư brah gŭch jêh ri ndơ ƀư brah rnih môi, Gâp mâu mra dơn ôh ndơ nây; Gâp mâu treng uănh ôh ma lĕ mpô mpa lay khân may dŏng ƀư ndơ ƀư brah ma nau đăp mpăn.

Mathay 12:7

Tơlah khân may gĭt rbăng nâm bu ntĭt trong aơ: ‘Gâp ŭch nau nuih n'hâm yô̆ nđach, mâu di ndơ ƀư brah ôh,’ khân may mâu dơi rmal ôh phung mâu geh nau tih;

Mathay 9:13

Hăn hom, jêh ri nti ăn gĭt nâm bu ntĭt trong aơ: ‘Gâp ŭch nau nuih n'hâm yô̆ nđach, mâu di ndơ ƀư brah ôh.’ Yorlah gâp văch mâu di kuăl bunuyh sŏng srăng ôh, ƀiălah kuăl bunuyh geh nau tih.”

I Samuel 15:22

Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.