Nau Mprơ Ơm 40:5 - Nau Brah Ndu Ngơi 2023

⁵ Ơ Brah Yêhôva Brah Ndu gâp, Nau kan khlay ngăn ngên jêh ri lĕ nau mĭn May ŭch ăn ma hên âk ngăn, Mâu geh nơm dơi rđĭl đah May; Tơlah gâp ŭch mbơh jêh ri nkoch tay lĕ kan nây, Geh âk ngăn, mâu dơi kơp ôh.

Nau Mprơ Ơm 40:5 ပူးပေါင်းရင်းမြစ်များ

Ndrom Samƀŭt bơh Yôp 26:14

Aơ knŏng jêng kach rup ma nau kan Păng, Jêng nau ngơi ƀŭk dơm he dơi tăng ma nau Păng ngơi; Bi ma ndâr nglaih ma nau brah Păng, mbu dơi gĭt rbăng lĕ?”

Ndrom Samƀŭt bơh Yôp 5:9

Păng pah kan toyh ngăn jêh ri bu mâu dơi ôh chrâng, Âk ntil nau khlay ngăn kơp mâu dơi lôch.

Ndrom Samƀŭt bơh Yôp 9:10

Păng ƀư lĕ kan dŭt toyh mâu dơi gĭt rbăng, Jêh ri âk râk ntil nau khlay ngăn.

Nau Mprơ Ơm 136:4

Knŏng du huê Păng nơm ƀư lĕ kan khlay dŭt toyh, Yor nuih n'hâm ueh Păng hôm tât ƀaƀơ n'ho ro.

Nau Mprơ Ơm 139:6

Nau gĭt rbăng tâm ban pônây jêng khlay ngăn ma gâp, Prêh ir ngăn kŏ tât gâp mâu dơi gĭt rbăng ôh!

Nau Mprơ Ơm 71:15

Bâr mbung gâp mra nkoch tay nau sŏng srăng May, Ăp nar gâp mbơh nau May tâm rklaih, Yorlah gâp mâu gĭt mâm nkoch gay ma lĕ.

Nau Mprơ Ơm 73:28

Ƀiălah ueh maak ngăn ma gâp dơi văch dăch ma Brah Ndu; Gâp săch Kôranh Brah Yêhôva ƀư ntŭk gâp gŭ krap, Gay nkoch bri lĕ rngôch kan May.

Nau Mprơ Ơm 92:5

Ơ Brah Yêhôva, kan May dŭt toyh ngăn! Nau mĭn May jêng jru ngăn!

Nau Ngluh Êjipt 11:8

Aƀaơ, phung oh mon hađăch mra trŭnh văch ta gâp, păn mbah tanăp gâp jêh ri lah: ‘May jêh ri lĕ rngôch phung ƀon lan tĭng may hăn hom!’ Jêh nây gâp mra hăn.” Lôch ngơi, Y-Môis luh bơh Pharaôn ma nau ji nuih.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Yêrêmi 29:11

Brah Yêhôva lah: “Yorlah Gâp gĭt nau Gâp hŏ dăp jêh ma khân; nây jêng nau đăp mpăn mâu di ôh nau mhĭk, gay ma khân may geh du nar kăndơ̆ jêh ri du nau kâp gân.