Nau Mprơ Ơm 40:11 - Nau Brah Ndu Ngơi 2023

¹¹ Ơ Brah Yêhôva! Lơi rhuăt ôh Nau yô̆ nđach May ma gâp; Ăn nau ueh jêh ri nau nanê̆ ngăn May Mât mray gâp ƀaƀơ.

Nau Mprơ Ơm 40:11 ပူးပေါင်းရင်းမြစ်များ

Nau Mprơ Ơm 23:6

Nanê̆ ngăn, lĕ nau rêh gâp, Nau ueh jêh ri nau yô̆ nđach mra tĭng gâp; Gâp mra gŭ tâm ngih Brah Yêhôva Kŏ tât n'ho ro.

Nau Mprơ Ơm 43:3

Dăn nau ang jêh ri nau ngăn May sol ang Gay njŭn leo gâp ƀă, Njŭn gâp hao ta yôk kloh ueh, Jêng ntŭk May gŭ.

Nau Mprơ Ơm 57:3

Păng ăn nau tâm rklaih ma gâp tă bơh trôk. Ăn ma phung tŭn jot mra geh nau bêk prêng, nau ƀơ̆ ƀơch. (Sêla) Brah Ndu ăn nau ueh jêh ri nau răp jăp Păng ma gâp.

Nau Mprơ Ơm 61:7

Ăn păng gŭ ta sưng hađăch ƀaƀơ tanăp Brah Ndu; Dăn May ntrŭnh nau ueh jêh ri nau nanê̆ ngăn May mât mray păng.

Nau Mprơ Ơm 69:13

Ƀiălah Ơ Brah Yêhôva! Rnôk nơih aơ gâp mbơh sơm ma May. Ơ Brah Ndu! Tĭng nâm nau yô̆ nđach toyh hâu ngăn May jêh ri tĭng nau ngăn tâm rklaih tă bơh May, Dăn mplơ̆ lah nau gâp.

Nau Mprơ Ơm 69:16

Ơ Brah Yêhôva! Dăn mplơ̆ lah nau gâp yor nau ueh May jêng ueh; Tĭng nâm nau yô̆ nđach rmeh ler May, dăn n'gĭl ma gâp.

Nau Mprơ Ơm 85:10

Nau yô̆ nđach jêh ri nau nanê̆ ngăn tâm mâp ndrel jêh; Nau sŏng srăng jêh ri nau đăp mpăn hŏ tâm chŭm jêh.

Nau Mprơ Ơm 89:2

Yorlah gâp lah jêh: “Nuih n'hâm ueh May dơi ndâk nâp tât n'ho ro, May ƀư nâp nau răp jăp May nâm bu lĕ ndâr trôk.”

Nau Hôr 20:28

Nau ueh jêh ri nau nanê̆ ngăn king hađăch; Hađăch sŏk nuih n'hâm ueh tâm kơl sưng hađăch bri dak păng.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.