Nau Mprơ Ơm 4:6 - Nau Brah Ndu Ngơi 2023

⁶ Âk bunuyh lah: “Mbu nơm mra ăn ma hên saơ nau ueh maak?” Ơ Brah Yêhôva, dăn nau ang muh măt May sol ta hên!

Nau Mprơ Ơm 4:6 ပူးပေါင်းရင်းမြစ်များ

Nau Mprơ Ơm 119:135

Dăn muh măt May sol ang ta oh mon May, Jêh ri sâm nti gâp lĕ nau vay dăp May.

Nau Mprơ Ơm 21:6

May ăn ma păng nau ueh lăng ƀaƀơ n'ho ro; Nau Kôranh Brah gŭ ndrel ƀư ma păng hâk răm, răm maak.

Nau Mprơ Ơm 39:6

N'hêl nanê̆ ăp nơm chuat hăn tâm ban ma gui. Ăp nơm ndil ndal dơm dam da dê; Bu bun drăp ndơ ƀiălah mâu gĭt mbu mra sŏk lơi.

Nau Mprơ Ơm 42:5

Ơ huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê ma Păng đŏng, Yorlah mâp măt Păng gâp dơi geh nau tâm rklaih.

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Nau Mprơ Ơm 67:1

Ăn Brah Ndu yô̆ nđach ma hên jêh ri ăn nau ueh lăng ma hên, Nau nchrat ang muh măt Păng sol tâm hên. (Sêla)

Nau Mprơ Ơm 80:19

Ơ Yêhôva Brah Ndu ma phung tahan, ndâk njêng mhe tay hom hên, Ăn muh măt May sol ang ta hên pôri hên mra dơi rklaih.

Nau Mprơ Ơm 80:7

Ơ Brah Ndu ma phung tahan, dăn ndâk njêng mhe tay hom hên Jêh ri ƀư ăn muh măt May sol ang ta klơ hên pôri hên mra dơi rklaih.

Nau Mprơ Ơm 89:15

Ueh maak yơh ma mpôl băl bunuyh gĭt sŏk bâr nau răm maak! Ơ Brah Yêhôva, khân păng hăn tâm nau ang bơh muh măt May.

Êsai 55:2

Mâm ƀư khân may mplơ̆ prăk gay rvăt ndơ mâu jêng piăng let ôh? Mâm ƀư khân may djôt nau pah kan khân may nơm rgâl sŏk ndơ mâu blau hơm ôh? Njrăng iăt Gâp, sa hom ndơ kah, Jêh ri ƀư maak huêng khân may nơm ma ndơ sa kah.

Malachi 3:3

Păng mra gŭ nâm bu bunuyh blau chiăr prăk jêh ri tôl ăn chrêk; Păng mra jut lơi nau ƀơ̆ bơh phung kon bu klâu Lêvi, ăn khân păng chrêk kloh nâm bu mah jêh ri prăk. Khân păng mra nhhơr ndơ nhhơr ƀư brah ma Brah Yêhôva tâm nau sŏng srăng.

Nau Kơp Bunuyh 6:26

Dăn ma Brah Yêhôva mêt uănh ma may Jêh ri ăn nau đăp mpăn ma may!’

Luka 12:19

Gâp mra lah ma huêng gâp pô aơ: Hơi huêng gâp, may geh âk drăp ndơ prăp jêh âk năm jêh. Gŭ rlu hom, sông sa nhêt, jêh ri răm maak hom.’

Luka 16:19

“Geh jêh du huê bunuyh ndrŏng nsoh ao chăng krăk jêh ri ao bok mhay rhên, ăp nar nhêt sa răm maak ngăn.

Nau Vay Nkah Tay 33:19

Khân păng mra kuăl phung ƀon lan hao klơ yôk, Nhhơr mpa ƀư brah sŏng srăng ta nây; Yorlah khân păng mra rhôp nau rmeh ler bơh dak mƀŭt Jêh ri lĕ ntŭk jay prăp drăp khlay pôn jêh tâm choih.”

Yakơ 4:13

Aƀaơ aơ, hơi oh nâu jêng phung bunuyh dôl lah: “Nar aơ mâu lah nar ôi taơ he mra hăn ta du ƀon ri, gŭ ta nĕ du năm, tăch rgâl jêh ri sa drăp.”