Nau Mprơ Ơm 39:6 - Nau Brah Ndu Ngơi 2023

⁶ N'hêl nanê̆ ăp nơm chuat hăn tâm ban ma gui. Ăp nơm ndil ndal dơm dam da dê; Bu bun drăp ndơ ƀiălah mâu gĭt mbu mra sŏk lơi.

Nau Mprơ Ơm 39:6 ပူးပေါင်းရင်းမြစ်များ

Ndrom Samƀŭt bơh Yôp 14:1

“Kon bunuyh deh tă bơh bu ur Rêh ƀât lât knŏng djê̆ nar, ƀiălah bêng ma nau uh ah.

Ndrom Samƀŭt bơh Yôp 7:16

Gâp mâu hôm ŭch rêh. Gâp mâu geh ôh rêh mro. Dăn Kôranh Brah pha lah ma gâp, yorlah nar khay ma gâp knŏng jêng n'hâm nsôr dơm.

Ndrom Samƀŭt bơh Yôp 7:7

Ơ Kôranh Brah, dăn May kah gĭt ma nau rêh gâp knŏng jêng n'hâm nsôr! Măt gâp mâu mra hôm uănh saơ nau ueh maak đŏng ôh.

Nau Mprơ Ơm 127:2

Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

Nau Mprơ Ơm 144:4

Bunuyh jêng nâm bu n'hâm nsôr, Nau rêh bunuyh nâm bu gui mpăr rgăn.

Nau Mprơ Ơm 89:48

Mbu jêng bunuyh gŭ rêh jêh ri mâu saơ nau khĭt ôh? Mbu mra tâm rklaih huêng păng nơm bơh nau dơi phung khĭt? (Sêla)

Nau Hôr 13:22

Bunuyh ueh ăn drăp ndơn ma kon sau păng nơm, Ƀiălah drăp ndơ phung geh nau tih prăp ma bunuyh sŏng srăng.

Nau Hôr 23:5

Dôl may treng uănh tâm nau ndrŏng kuăng, di lĕ păng hŏ mpăr roh jêh? Nanê̆ păng chăt nting năr nâm bu klang ƀŭng, Jêh ri rpuh nting năr mpăr leo klơ trôk prêh.

Nau Hôr 27:24

Yorlah nau ndrŏng mâu gŭ mro mrăng, Jêh ri đon hađăch kŏ mâu lĕ hôm tât n'ho ro.

Nơm Nti 1:14

Gâp hŏ treng uănh lĕ rngôch nau tât geh tâm dâng nar; ri, lĕ rngôch dơm dam da dê tĭng rlong sial khôm.

Nơm Nti 11:10

Pôri, ngluh lơi hom nau rŭng răng tă bơh nuih n'hâm, jêh ri mƀăr lơi nau ji tă bơh săk jăn may; yorlah năm ndăm rah jêh ri nôk mom ndăm jêng dơm dam da dê dơm.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Nơm Nti 12:8

Nơm nti lah: “Dơm dam ma nau dơm dam, Lĕ rngôch jêng dơm dam da dê!”

Nơm Nti 2:26

Yor Brah Ndu ăn nau blau mĭn, gĭt rbăng jêh ri nau maak ăn ma mbu nơm ƀư ueh nuih n'hâm Păng; Ƀiălah Păng ƀư ma nơm geh tih mra hŏt rgănh prăp nkrem gay jao tay ăn ma bunuyh ƀư ueh nuih n'hâm Brah Ndu. Nau nây ăt jêng dơm dam, tĭng rlong sial khôm.

Nơm Nti 2:8

Gâp ăt prăp nkrem prăk, mah jêh ri drăp ndơ khlay phung hađăch, jêh ri tă bơh lĕ n'gor. Gâp geh âk phung mprơ bu ur bu klâu. Bi nau bu klâu ŭch rŏng gâp geh âk ur yông jêh ri bu ur ueh.

Nơm Nti 5:14

Yor roh yot tâm nau tăch drăp, Nơm nây roh lĕ drăp ndơ; Nơm nây dơi deh du huê kon bu klâu, Ƀiălah mâu hôm geh ndơ ăn tay ma păng.

Êsai 55:2

Mâm ƀư khân may mplơ̆ prăk gay rvăt ndơ mâu jêng piăng let ôh? Mâm ƀư khân may djôt nau pah kan khân may nơm rgâl sŏk ndơ mâu blau hơm ôh? Njrăng iăt Gâp, sa hom ndơ kah, Jêh ri ƀư maak huêng khân may nơm ma ndơ sa kah.

Luka 12:26

Pônây, tơlah khân may mâu dơi ƀư du ndơ jê̆ kơt nĕ, mâm ƀư khân may rvê ma lĕ nau kan êng?

Luka 12:29

Kơt nây, khân may lơi joi ndơ sông sa, ndơ nhêt, lơi đŏng rvê rlau ir.

I Kôrintô 7:31

phung bunuyh dôl tâm krêp đah neh ntu aơ, gŭ rêh hom tâm ban ma mâu tâm krêp ôh, yorlah rup neh ntu aơ mra rlau lôch.

Yakơ 4:14

Ƀiălah khân may mâu gĭt ôh moh nau mra tât ma nar ôi taơ, moh nau rêh khân may jêng? Yorlah khân may jêng knŏng nâm bu n'hôl dak, tâm mpơl tâm ƀât lât jêh ri roh hêng.

Yakơ 5:3

Prăk mah khân may lĕ ek găm, nau ek găm nây mra jêng nau mbơh tâm rdâng đah khân may jêh ri păng mra sa nglay săk khân may nâm bu ŭnh sa. Khân may rvê bun prăp ma lĕ nar nglĕ dŭt!

I Pêtrôs 1:24

Yorlah, “Lĕ rngôch nglay săk nâm bu gơ̆, Jêh ri lĕ rngôch nau chrêk rmah păng nâm bu kao gơ̆. Gơ̆ kro, kao rŭng,

I Pêtrôs 5:7

Jao hom lĕ nau rngot klâng khân may nơm ma Păng, yorlah Păng mât mray khân may ƀaƀơ.