Nau Mprơ Ơm 39:12 - Nau Brah Ndu Ngơi 2023

¹² Ơ Brah Yêhôva! iăt hom nau gâp mbơh sơm, Rkêng tôr iăt nau gâp kuăl; Lơi gŭ rklăk tanăp dak măt gâp Yorlah gâp jêng bu năch tâm ngih May, Phung bu năch hăn nsong ƀât lât nâm bu lĕ chô yau gâp.

Nau Mprơ Ơm 39:12 ပူးပေါင်းရင်းမြစ်များ

Nau Ntơm 21:34

Y-Abraham gŭ jŏ nar tâm n'gor phung Philistin.

Nau Ntơm 47:9

Y-Yakôb plơ̆ lah ma Pharaôn: “Dĭng lĕ năm nau rêh gâp ta neh ntu geh du rhiăng pe jât năm. Lĕ năm gâp dơi rêh jê̆ lê̆ jêh ri hŏt rgănh, jêh ri mâu ban ôh nau rêh bơh chô yau gâp ta neh ntu.”

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

II Phung Hađăch 20:5

“Plơ̆ tay hom lah ma Y-Hêsêkia, kôranh ma phung ƀon lan Gâp, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ jêh dak măt may hoch. Aơ, Gâp mra ƀư bah may; tât nar rơh pe, may mra hăn hao ma ngih Brah Yêhôva.

I Nau Rêh Jêng 29:15

Yorlah tanăp măt May, hên jêng phung bu năch jêh ri phung gŭ njưh nâm bu lĕ rngôch phung chô yau hên kăl e. Lĕ nar hên gŭ rêh ta neh ntu nâm bu gui rgăn gơnh, jêh ri mâu geh ôh nau kâp gân.

Ndrom Samƀŭt bơh Yôp 13:28

Nau rêh gâp lĕ chah rai nâm bu tơm si ôm, Nâm bu bok ao lĕ nchiăr reh jêh.”

Ndrom Samƀŭt bơh Yôp 16:20

Phung mĭt jiăng gâp mưch rmot gâp, Ƀiălah gâp nhĭm luh dak măt đah Brah Ndu,

Nau Mprơ Ơm 102:1

Ơ Brah Yêhôva, iăt hom nau gâp mbơh sơm, Ăn nau gâp nter sâm rklaih hao tât ta May.

Nau Mprơ Ơm 116:3

Rse nau khĭt vân jŭm gâp, Nau ji ƀon phung khĭt kuăn rdâng jêh gâp, Gâp mâp nau uh ah jêh ri nau rngot klâng.

Nau Mprơ Ơm 119:19

Gâp jêng bu năch ta neh ntu; Lơi dĭng pôn ma gâp tâm lĕ nau vay May ntăm.

Nau Mprơ Ơm 119:54

Nau vay dăp bơh May jêng nau gâp mprơ, Tâm nau rêh gâp jêng bu năch.

Nau Mprơ Ơm 56:8

May kơp ăp nhuat gâp hăn nsong: Dăn May dơ dak măt gâp tâm kachok May. Dak măt gâp mâu dơi nchih tâm ndrom samƀŭt May hĕ?

Nau Mprơ Ơm 90:9

Yor nau May ji nuih, lĕ nar hên rlau lôch da dê; Năm hên roh rai nâm bu n'hâm nsôr.

Kan Lêvi 25:23

Mâu dơi tăch neh n'ho ro ôh yorlah neh jêng ndơ Gâp, bi khân may gŭ ndrel ma Gâp nâm bu phung bu năch jêh ri phung gŭ njưh.

II Kôrintô 5:6

Yor ri, ăn he nanh janh mro jêh ri gĭt dôl hôm gŭ tâm săk jăn aơ, he gŭ ngai đah Kôranh Brah,

ហេឞ្រើ 11:13

Lĕ rngôch phung bunuyh nây khĭt da dê jêh tâm nau chroh, ê hŏ sŏk dơn ôh lĕ nau Brah Ndu ton ma khân păng; knŏng uănh saơ jêh ri mbah lĕ nau nây ntơm bơh ngai, kơp săk khân păng nơm jêng bunuyh bu năch jêh ri bunuyh gŭ jăng jai ta neh ntu.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.

I Pêtrôs 2:11

Hơi phung gâp rŏng, khân may nâm bu phung bu năch, phung gŭ njưh ƀât lât; gâp vơl dăn ma khân may ver hom lĕ nau kơnh ŭch nglay săk, jêng nau tâm rdâng đah huêng.