Nau Mprơ Ơm 38:4 - Nau Brah Ndu Ngơi 2023

⁴ Yorlah nau djơh mhĭk gâp bun dăp hao rlau bôk gâp; Khân păng tŭn gâp ta klơ gâp tâm ban ma du ntil anh jâk.

Nau Mprơ Ơm 38:4 ပူးပေါင်းရင်းမြစ်များ

Êsra 9:6

lah ma Păng: “Hơi Brah Ndu gâp, gâp prêng jêh ri brâp muh măt, mâu janh n'gơr măt uănh May jêng Brah Ndu gâp, yorlah nau djơh mhĭk hên lơ ntop âk lơn rlau bôk hên, jêh ri nau tih phung kon prêh hao tât klơ trôk.

Ndrom Samƀŭt bơh Yôp 33:19

Kon bunuyh mra geh nau nduyh nkra, ma nau ji nđêh nji klơ gre bê̆ch păng, Nting nđăng râm nsâr mro mrăng.

Nau Mprơ Ơm 107:17

Phung rluk geh nau rêh ni yorlah nau gŭ ngao tih, Jêh ri rêh ni yor nau djơh mhĭk khân păng nơm.

Nau Mprơ Ơm 40:12

Yorlah geh âk ngăn nau mhĭk tât Hŏ nchueng jŭm gâp; Nau mhĭk gâp hŏ tĭng ban jêh gâp Kŏ tât gâp mâu nănh n'gơr măt ôh; Khân păng âk lơn sŏk ta klơ bôk gâp, Ăn nuih n'hâm gâp krit ngăn.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Nau Nhĭm Vơl 1:14

Nau tih gâp kât ta mâng mbăk Ti Păng nơm kât ndrel khân păng. Păng tŭn jâk ta trô ko gâp, Ƀư djoh nau dăng ktang gâp. Kôranh Brah hŏ jao gâp tâm ti khân păng, Jêng phung gâp mâu dơi tâm rdâng ôh!

Kan Lêvi 7:18

Tơlah mbu nơm sa puăch ndơ ƀư brah đăp mpăn tâm nar tal pe, ndơ ƀư brah bơh nơm nây nhhơr mra mâu dơn jêh ri ndơ hŏ nhhơr ƀư brah nây bu mâu kơp ôh. Nĕ jêng du ntil nau ƀơ̆ ƀơch, mbu nơm sa puăch nây mra tuy nau tâm rmal.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.