Nau Mprơ Ơm 38:15 - Nau Brah Ndu Ngơi 2023

¹⁵ Yorlah ơ Brah Yêhôva! Ăn nuih n'hâm gâp kâp gân tâm May, Ơ Kôranh Brah jêng Brah Ndu gâp, May mra plơ̆ lah nau gâp.

Nau Mprơ Ơm 38:15 ပူးပေါင်းရင်းမြစ်များ

Nau Mprơ Ơm 138:3

Tâm nar gâp kuăl mbơh sơm ma May, May hŏ plơ̆ lah jêh ma gâp, Ăn gâp geh nau nănh jêh ri dăng ktang.

Nau Mprơ Ơm 17:6

Ơ Brah Ndu, gâp mbơh sơm ma May yorlah May mra dơn nau gâp. Dăn Kôranh Brah rkêng tôr iăt nau gâp mbơh sơm.

Nau Mprơ Ơm 39:7

Ơ Kôranh Brah, moh ndơ gâp kâp gân? Nau gâp kâp gân gŭ tâm May.

Êsai 53:7

Bu tŭn jot Păng jêh ri ƀư rêh ni, Ƀiălah Păng mâu mâp hă ôh mbung Păng. Tâm ban ma du mlâm kon biăp bu têk ta ntŭk ƀư puăch, Tâm ban ma du mlâm kon biăp mlo tanăp nơm nkăp rsau, Păng mâu hă mbung ôh.