Nau Mprơ Ơm 38:12 - Nau Brah Ndu Ngơi 2023

¹² Phung joi ŭch nkhĭt gâp, sân dăk ma gâp Lĕ phung ŭch ƀư mhĭk ma gâp ngơi nau ƀư rai ƀaƀơ, Jêh ri ŭch ndơm gâp ăp nar.

Nau Mprơ Ơm 38:12 ပူးပေါင်းရင်းမြစ်များ

Ndrom Samƀŭt bơh Yôp 19:13

Păng ƀư ăn oh nâu gâp du ngai đah gâp, Phung gĭt năl gâp jêng phung bu năch.

Nau Mprơ Ơm 10:9

Păng gŭ krap tâm ntŭk ndâp nâm bu yau mŭr tâm trôm, Păng gŭ krap gay ma nhŭp phung rêh ni; Păng têk bunuyh o ach lăp tâm nhuăl gay nhŭp khân păng.

Nau Mprơ Ơm 119:110

Phung ƀai sân dăk gay ƀư mhĭk gâp, Ƀiălah gâp mâu chalơi nau May ntăm ôh.

Nau Mprơ Ơm 140:5

Phung sưr sân dăk, Khân păng nthăng rse ling nhuăl ta trong Jêh ri ƀư dăk sân ƀư mhĭk ma gâp. (Sêla)

Nau Mprơ Ơm 141:9

Dăn May mât mray gâp bơh dăk khân păng sân gâp Jêh ri rklaih bơh nhuăl phung ƀư mhĭk.

Nau Mprơ Ơm 31:12

Tâm nuih n'hâm khân păng chuêl gâp nâm bu du huê bunuyh khĭt jêh. Gâp jêng tâm ban ma du play yăng chah hăch.

Nau Mprơ Ơm 35:20

Yorlah khân păng mâu ngơi ôh nau đăp mpăn, Ƀiălah tâm nchră nau ndơm Lĕ bunuyh gŭ rêh đăp mpăn ta n'gor.

Nau Mprơ Ơm 35:4

Ăn phung joi ƀư mhĭk nau rêh gâp Mra geh nau bêk prêng jêh ri bu tâm rmot; Phung ŭch ƀư mhĭk ma gâp Mra plơ̆ rŭch jêh ri bêk prêng.

Nau Mprơ Ơm 41:5

Phung rlăng gâp ngơi nau ƀai pô aơ: “Ndah jŏ păng mra khĭt? Ndah jŏ amoh păng mra rai yot?”

Nau Mprơ Ơm 54:3

Yorlah phung bu năch luh hao rdâng đah gâp, Bunuyh janh ƀai joi ƀư rai nau rêh gâp. Khân păng mâu ăn Brah Ndu gŭ tanăp măt khân păng. (Sêla)

Nau Mprơ Ơm 69:9

Yorlah nau duh nđơr ma Ngih May su lơi gâp, Nau bêk prêng phung bêk prêng May hŏ nkhŭt jêh tâm gâp.

Nau Mprơ Ơm 88:9

Măt gâp hươi rgănh yor nau rêh ni; Ơ Brah Yêhôva! Gâp kuăl mbơh sơm ma May ăp nar, Jêh ri yơr jêh ti mpeh ma May.

Nau Hôr 19:7

Lĕ rngôch oh nâu ndŭl deh bunuyh o ach tâm rmot da dê ma păng, Lơ hâu phung mĭt jiăng păng mra du ngai bơh păng! Păng tĭng vơl dăn ma khân păng, Ƀiălah khân păng mâu hôm ôh ta nây!