Nau Mprơ Ơm 37:9 - Nau Brah Ndu Ngơi 2023

⁹ Yorlah phung mhĭk mra geh nau rai yot, Ƀiălah mbu nơm kâp gân Brah Yêhôva mra geh neh ƀư drăp ndơn.

Nau Mprơ Ơm 37:9 ပူးပေါင်းရင်းမြစ်များ

Nau Mprơ Ơm 25:13

Huêng păng mra gŭ tâm ntŭk ueh mpăn, Jêh ri phung kon sau păng mra geh neh ƀư drăp ndơn.

Nau Mprơ Ơm 37:29

Phung sŏng srăng mra dơn neh Jêh ri gŭ rêh ta nây n'ho ro.

Nau Mprơ Ơm 55:23

Ơ Brah Ndu, phung ji hir mham jêh ri mƀruh ndơm Mâu mra dơi gŭ rêh n'gul mrô nar hŏ nal jêh ma păng, Kôranh Brah mra nklơ̆ khân păng Jŭr tâm ntu roh rai; Ƀiălah gâp ăt hôm rnơm nsing ma Păng.

Nau Hôr 2:21

Yorlah phung sŏng mra dơi gŭ chăm bri tâm n'gor, Jêh ri bunuyh ueh mra hôm gŭ ta nây ƀaƀơ.

Êsai 57:13

Lah may kuăl rklaih, ăn phung rup brah may tâm rklaih khân may! Sial mra khôm rdu phung brah nây, Du n'hâm nsôr mra sŏk rdu lơi lĕ rngôch khân păng. Ƀiălah mbu nơm du krap tâm Gâp mra dơn bri neh nây, Jêh ri mra dơn yôk kloh ueh Gâp ƀư drăp ndơn.

Êsai 58:14

Rnôk nây, may mra gŭ maak tâm Brah Yêhôva, Gâp mra ăn may ncho hao ta lĕ chor prêh ta neh ntu; Gâp mra siăm may ma drăp ndơn Y-Yakôb chô yau may.” Trôm mbung Brah Yêhôva ngơi jêh nau nây.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Nau Kơp Bunuyh 26:65

Yorlah Brah Yêhôva lah jêh ma khân păng pô aơ: “Khân păng mra khĭt tâm bri rdah!” Pôri, mâu hôm geh du huê nuyh rêh ôh, knŏng Y-Kalep, kon bu klâu Y-Jêphunê jêh ri Y-Yôsuê, kon bu klâu Y-Nun.

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

ហេឞ្រើ 11:16

Ƀiălah khân păng ŭch geh du ƀon tơm ueh lơn, nây jêng ƀon tơm ta klơ trôk, pôri Brah Ndu mâu bêk prêng ôh gay mbơh Păng nơm jêng Brah Ndu khân păng, yorlah Păng ndrăp lor du ƀon ma khân păng.

Yôsuê 14:9

Tâm nar nây, Y-Môis ton săk lah: ‘N'gor neh jâng may jot tât jêh, nanê̆ mra jêng drăp ndơn ma may jêh ri ma phung kon sau may n'ho ro, yorlah may răp jăp tông tĭng Yêhôva Brah Ndu gâp.’

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”