Nau Mprơ Ơm 37:8 - Nau Brah Ndu Ngơi 2023

⁸ Ăn mƀăr hom nau ji nuih jêh ri chalơi nau nuih; Lơi ƀư rŭng may nơm ôh, yor nau nây knŏng ƀư nau kan mhĭk.

Nau Mprơ Ơm 37:8 ပူးပေါင်းရင်းမြစ်များ

I Phung Hađăch 11:22

Pharaôn ôp: “Moh ndơ may mâu tŏng dôl gŭ ndrel ma gâp, mâm aƀaơ may dăn plơ̆ sĭt rlet ma bri ƀon may nơm?” Y-Hadat plơ̆ lah: “Mâu geh pưt du ntil ndơ ôh, ƀiălah knŏng dăn ăn ma gâp dơi hăn ro.”

Ndrom Samƀŭt bơh Yôp 18:4

May ƀư sôt êng may nơm tâm nau hao ji nuih; Di lĕ yor ma may ri dĭng rplay neh jêng rngot njăp, Jêh ri lŭ toyh bu trơn tât ntŭk êng?

Ndrom Samƀŭt bơh Yôp 5:2

Yorlah nau rngot rvê nkhĭt bunuyh rluk mâl, Bi nuih n'hâm tâm nach ƀư nkhĭt bunuyh mleh.

Nau Mprơ Ơm 116:11

Tâm nau uh ah, gâp lah pô aơ: “Lĕ rngôch bunuyh jêng mƀruh da dê.”

Nau Mprơ Ơm 31:22

Tâm nau uh ah gâp lah pô aơ: “Bu nkhĭt roh gâp tanăp măt May.” Ƀiălah tơlah gâp kuăl mbơh sơm ma May, May tăng nau gâp dăn.

Nau Mprơ Ơm 73:15

Tơlah gâp lah pô aơ: “Gâp mra ngơi kơt nây” Pôri gâp ƀư tih jêh ma nau mâu răp jăp đah noi deh phung ƀon lan May.

Nau Hôr 14:29

Bunuyh băt duh nuih bêng ma nau gĭt rbăng, Ƀiălah bunuyh vay gơnh duh nuih lơ hô n'hao nau brŭt moih.

Nau Hôr 16:32

Bunuyh băt ji nuih dơi lơn ma tahan janh, Jêh ri mbu nơm chiă uănh nuih n'hâm păng dơi lơn ma nơm pit sŏk ƀon.

Yônais 4:1

Rnôk nây, Y-Yôna mâu maak jêh ri ji nuih hâu ngăn.

Yônais 4:9

Ƀiălah Brah Ndu lah ma Y-Yôna: “Tơlah may nuih yor tơm rpŭng aơ, di lĕ?” Păng lah: “May ji nuih kŏ tât khĭt ăt di đŏng.”

Êphêsô 4:26

Tơlah khân may duh nuih, lơi ƀư tih ôh; lơi ji nuih tât nar nhâp,

Êphêsô 4:31

Ngroh lơi hom bơh khân may lĕ nau khek, nuih n'hâm hăt janh, nau ji nuih, nau nter, nau suai rak, ndrel ma lĕ nau djơh mhĭk.

Kôlôh 3:8

Ƀiălah aƀaơ, mƀăr lơi hom lĕ rngôch nau nây, nâm bu ntĭt nau ji nuih, nau rngot, nau janh ƀai, nau sưr rlau, jêh ri lĕ nau ngơi bir luh bơh trôm mbung khân may.