Nau Mprơ Ơm 37:6 - Nau Brah Ndu Ngơi 2023

⁶ Păng mra njêng nau sŏng srăng may mpơl nâm bu nau ang. Jêh ri nau di may tâm mpơl nâm bu nôk nar.

Nau Mprơ Ơm 37:6 ပူးပေါင်းရင်းမြစ်များ

Ndrom Samƀŭt bơh Yôp 11:17

Nau rêh may mra ang lơn nar nklang bôk; Nau ngo plăch jêng ƀhit rvi ang.

Nau Mprơ Ơm 31:20

May pôn khân păng tâm ntŭk ndâp tanăp măt May Gŭ ngai đah nau kon bunuyh ŭch ƀư; May king n'gang khân păng tâm ngih bok Gŭ ngai đah mbung mpiăt tâm djrel.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 58:10

Tơlah may lĕ nuih n'hâm mĭn rvê ma nơm ji ngot, Jêh ri ƀư tŏng nau ŭch bunuyh rêh ni, Pôri nau ang khân may mra nchrat luh tâm nau ngo, Jêh ri nau ngo may mra ang nchrat tâm ban ma nar nklang bôk.

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Yêrêmi 51:10

‘Brah Yêhôva koh dŏng ăn ma he. Văch hom, ăn he mbơh nkoch tâm ƀon Siôn Nau kan Yêhôva Brah Ndu he.’

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Mathay 13:43

Nôk nây, phung sŏng srăng mra geh nchrat ang nâm bu nar tâm ƀon bri hađăch Mbơ̆ khân păng. Mbu nơm geh tôr rkêng iăt hom!”

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.