Nau Mprơ Ơm 37:38 - Nau Brah Ndu Ngơi 2023

³⁸ Bi ma phung ƀư tih mra dơn ndrel nau rai yot. Nar kăndơ̆ phung mhĭk mra rai lôch.

Nau Mprơ Ơm 37:38 ပူးပေါင်းရင်းမြစ်များ

II Nau Rêh Jêng 28:6

Tâm du nar, Y-Pêka kon bu klâu Y-Rêmalia ƀư nkhĭt du rsen bar rmưn bunuyh phung Yuđa, lĕ rngôch khân păng jêng phung tahan janh ktang, yorlah khân păng chalơi Yêhôva Brah Ndu phung chô yau khân păng.

Nau Mprơ Ơm 52:5

Brah Ndu mra ƀư rai may n'ho ro. Păng mra nhŭp may jêh ri klŭp may ngai bơh ngih bok may; Păng mra rôk may bơh neh may gŭ rêh. (Sêla)

Nau Mprơ Ơm 73:17

Kŏ tât gâp lăp tâm ntŭk kloh ueh Brah Ndu, Ri mơ gĭt rbăng nau nglĕ dŭt khân păng.

Nau Mprơ Ơm 9:17

Phung mhĭk mra hăn lăp ta ƀon phung khĭt, Lĕ rngôch phung ƀon lan chuêl Brah Ndu tâm ban pônây lĕ.

Nau Hôr 14:32

Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Mathay 13:30

Nđom lĕ bar ntil nây văch ma prêh kŏ tât yan rek; tâm yan rek, gâp mra ntăm ma phung rek rgum sŏk gơ̆ mhĭk lor, jêh ri put tay ăp nchăp jêh ri su lơi; bi ba prăp bun tâm jay gâp.’ ”

Mathay 25:46

Jêh nây phung aơ mra lăp tâm nau tâm rmal n'ho ro, ƀiălah phung sŏng srăng mra lăp tâm nau rêh n'ho ro.”