Nau Mprơ Ơm 37:34 - Nau Brah Ndu Ngơi 2023

³⁴ Kâp gân hom ma Brah Yêhôva djôt prăp tĭng trong Păng Pôri Păng mra n'hao may gay dơn neh. Jêh ri may mra saơ phung mhĭk rai lôch.

Nau Mprơ Ơm 37:34 ပူးပေါင်းရင်းမြစ်များ

Ndrom Samƀŭt bơh Yôp 17:9

Ƀiălah bunuyh sŏng srăng djôt nâp trong khân păng hăn, Bunuyh geh bar đah ti kloh rsang lơ nar lơ hâu dăng lơn.

Nau Mprơ Ơm 112:8

Nuih n'hâm păng jêng nâp mâu mâp klach ôh, Kŏ tât păng saơ lĕ phung rlăng ma păng roh rai.

Nau Mprơ Ơm 112:9

Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

Nau Mprơ Ơm 25:13

Huêng păng mra gŭ tâm ntŭk ueh mpăn, Jêh ri phung kon sau păng mra geh neh ƀư drăp ndơn.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Mprơ Ơm 37:3

Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Nau Mprơ Ơm 37:7

Gŭ rklăk hom tanăp Brah Yêhôva jêh ri gŭ kâp ma Păng. Lơi ăn rngot may nơm yor du huê bunuyh dơi jêng tâm trong păng Mâu lah bunuyh ƀư lĕ nau ŭch ƀư mhĭk.

Nau Mprơ Ơm 37:9

Yorlah phung mhĭk mra geh nau rai yot, Ƀiălah mbu nơm kâp gân Brah Yêhôva mra geh neh ƀư drăp ndơn.

Nau Mprơ Ơm 91:8

May knŏng sŏk uănh ma măt may Jêh ri mra saơ nau mplơ̆ sĭt ma phung mhĭk.

Nau Mprơ Ơm 92:12

Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

Nau Hôr 16:17

Trong bunuyh sŏng der ngai nau mhĭk; Mbu nơm mât trong păng jêng mât huêng păng nơm.

Nau Hôr 20:22

Lơi lah ôh: “Gâp mra har plơng!” Gŭ kâp hom Brah Yêhôva, Păng mra rklaih may.

Nau Hôr 29:16

Lah phung djơh hao bĭk, pôri nau tih lơ bĭk rơ̆, Ƀiălah phung sŏng srăng mra saơ nau roh rai khân păng.

Êsai 57:13

Lah may kuăl rklaih, ăn phung rup brah may tâm rklaih khân may! Sial mra khôm rdu phung brah nây, Du n'hâm nsôr mra sŏk rdu lơi lĕ rngôch khân păng. Ƀiălah mbu nơm du krap tâm Gâp mra dơn bri neh nây, Jêh ri mra dơn yôk kloh ueh Gâp ƀư drăp ndơn.

Mathay 24:13

Ƀiălah mbu nơm nâp nuih n'hâm tât lôch dŭt mra dơi rklaih.

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

I Pêtrôs 5:6

Pôri, ntrŭnh hom păng nơm tâm dâng ti nau brah Brah Ndu, gay tât mông tâm di păng mra n'hao khân may klơ.