Nau Mprơ Ơm 37:32 - Nau Brah Ndu Ngơi 2023

³² Phung mhĭk rmoch kâp bunuyh sŏng srăng Jêh ri joi kô̆ nau gay nkhĭt bunuyh nây.

Nau Mprơ Ơm 37:32 ပူးပေါင်းရင်းမြစ်များ

Nau Ntơm 39:16

Păng ăn ao Y-Yôsep ta meng păng kâp tât kôranh păng sĭt,

II Phung Hađăch 6:13

Hađăch lah: “Hăn hom joi uănh ta ntŭk păng gŭ, gay ma gâp prơh bunuyh hăn nhŭp păng.” Geh bu nkoch ma hađăch gĭt: “Păng gŭ tâm ƀon Dôthan.”

Nau Mprơ Ơm 37:12

Nơm mhĭk tâm nchră ƀư rai ma nơm sŏng srăng Jêh ri rket sêk ji nuih ma păng,

Nau Mprơ Ơm 56:7

Khân păng djơh mhĭk nâm bu pônây dơi rklaih bơh nau tâm rmal lĕ? Ơ Brah Ndu, ăn hao nuih n'glưh lơi lĕ rngôch ƀon lan.

Nau Hôr 24:15

Hơi phung ƀai, lơi ta grem kâp ntŭk gŭ phung sŏng srăng; Lơi ƀư rai ôh ntŭk păng gŭ rlu.

Yêrêmi 11:19

Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Daniel 6:5

Pônây khân păng nây lah: “He mâu mra saơ du ntil nau gay ma phong Y-Daniel aơ, knŏng he joi tâm nau păng tĭng nau vay Brah Ndu păng”.

Luka 11:54

ƀư dăk sân gay ngơi ƀrôk ăp nau Păng ngơi.

Luka 14:1

Du nar saƀat, Brah Yêsu lăp tâm ngih du huê kôranh chiă uănh tâm mpôl Pharisi gay sông sa; bu njrăng kâp uănh Păng.

Luka 20:20

Pôri, khân păng uănh nđôi Brah Yêsu jêh ri njuăl phung uănh n'hut n'hi săk ƀư bunuyh sŏng, ŭch ngơi ƀrôk Păng tâm nau Păng ngơi, gay jao Păng ma phung kôranh chiă uănh jêh ri ma kôranh toyh chiă uănh.

Luka 6:7

Phung kôranh nchih samƀŭt jêh ri phung Pharisi kâp uănh ma Păng geh ƀư bah tâm nar saƀat mâu lah mâu, gay joi nau phong Păng.

Kôranh Oh Mon 9:24

Ƀiălah geh bunuyh mbơh ma Y-Sôl ma nau khân păng tâm nchră. Khân păng gak njrăng ta mpông ƀon măng nâm nar gay nkhĭt Y-Sôl.

I Samuel 19:10

Y-Sôl sŏk tak ŭch ntâp Y-Đavit pâng krêp ta mpir ƀiălah Y-Đavit gơnh plĕch, tak Y-Sôl băm tâm mpir. Y-Đavit nchuăt du jêh ri klaih tâm măng nây.

I Samuel 23:14

Y-Đavit gŭ tâm lĕ ntŭk nâp jăp tâm bri rdah klơ tâm n'gor dor yôk bri rdah Sip. Y-Sôl tĭng nhŭp păng ăp nar, ƀiălah Brah Ndu mâu jao păng tâm ti Y-Sôl ôh.