Nau Mprơ Ơm 37:3 - Nau Brah Ndu Ngơi 2023

³ Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Nau Mprơ Ơm 37:3 ပူးပေါင်းရင်းမြစ်များ

Nau Ntơm 26:2

Brah Yêhôva tâm mpơl ma păng jêh ri lah: “Lơi hăn ôh ta n'gor Êjipt, ăn gŭ hom tâm n'gor Gâp mra ntĭm ma may.

Nau Ntơm 26:3

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

I Phung Hađăch 19:6

Păng uănh saơ mpeh klơ bôk păng geh du glo ƀănh jê̆ lĕ gŭch sĭn jêh ta klơ ŭnh rnga, jêh ri du nông dak. Sông sa nhêt lôch jêh, păng bê̆ch tay đŏng.

Nau Mprơ Ơm 26:1

Ơ Brah Yêhôva, koh dŏng hom gâp, Yorlah gâp chuat jêh hăn tâm nau sŏng; Gâp rnơm nsing ma Brah Yêhôva, mâu rdja nuih ôh.

Nau Mprơ Ơm 33:19

Gay ma tâm rklaih huêng khân păng bơh nau khĭt Jêh ri prăp nau rêh khân păng tâm nau ji ngot.

Nau Mprơ Ơm 4:5

Nhhơr hom nau sŏng srăng ƀư jêng ndơ ƀư brah, Jêh ri rnơm nsing ma Brah Yêhôva.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Hôr 3:5

Rnơm nsing hom ma Brah Yêhôva ma lĕ nuih n'hâm, Lơi nsing ôh tâm nau gĭt mĭn may nơm.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Luka 22:35

Păng lah tay: “Nôk Gâp njuăl khân may hăn, mâu djôt dŭng prăk, dŭng cheng, ntâu jot, geh lĕ ndơ khân may pưt?” Khân păng ơh: “Mâu pưt ôh.”

Nau Vay Nkah Tay 30:20

Rŏng hom ma Yêhôva Brah Ndu, tông bâr Păng, jêh ri tâm rnglăp đah Păng, yorlah Păng jêng nau rêh ma khân may; Păng mra ăn ma khân may dơi gŭ jŏ nar tâm n'gor Brah Yêhôva hŏ ton jêh ăn ma phung chô yau khân may jêng Y-Abraham, Y-Isăk jêh ri Y-Yakôb.”

I Samuel 26:19

Aƀaơ, dăn hađăch gŭ iăt hom nau ngơi oh mon may. Tơlah Brah Yêhôva nsŭk nsôr may ƀư mhĭk ma gâp, dăn Păng sŏk dơn ndơ ƀư brah. Ƀiălah tơlah kon bunuyh, ăn păng dơn nau rak rtăp tanăp măt Brah Yêhôva; yorlah nar aơ khân păng hŏ mprơh gâp luh tă bơh ntŭk prăp ma gâp tâm drăp ndơn bơh Brah Yêhôva, jêh ri khân păng lah pô aơ: ‘Hăn hom mbah ma lĕ brah êng.’