Nau Mprơ Ơm 37:29 - Nau Brah Ndu Ngơi 2023

²⁹ Phung sŏng srăng mra dơn neh Jêh ri gŭ rêh ta nây n'ho ro.

Nau Mprơ Ơm 37:29 ပူးပေါင်းရင်းမြစ်များ

Nau Mprơ Ơm 25:13

Huêng păng mra gŭ tâm ntŭk ueh mpăn, Jêh ri phung kon sau păng mra geh neh ƀư drăp ndơn.

Nau Mprơ Ơm 37:11

Bi ma bunuyh dêh rhêt mra geh n'gor ƀư drăp ndơn, Jêh ri maak dơn nau đăp mpăn nau ndrŏng.

Nau Mprơ Ơm 37:18

Brah Yêhôva gĭt mrô nar phung sŏng Jêh ri drăp ndơn khân păng mra tât n'ho ro.

Nau Mprơ Ơm 37:27

Der hom nau mhĭk jêh ri ƀư nau ueh Pôri may mra rêh n'ho ro.

Nau Mprơ Ơm 37:9

Yorlah phung mhĭk mra geh nau rai yot, Ƀiălah mbu nơm kâp gân Brah Yêhôva mra geh neh ƀư drăp ndơn.

Nau Hôr 2:21

Yorlah phung sŏng mra dơi gŭ chăm bri tâm n'gor, Jêh ri bunuyh ueh mra hôm gŭ ta nây ƀaƀơ.

Êsai 57:13

Lah may kuăl rklaih, ăn phung rup brah may tâm rklaih khân may! Sial mra khôm rdu phung brah nây, Du n'hâm nsôr mra sŏk rdu lơi lĕ rngôch khân păng. Ƀiălah mbu nơm du krap tâm Gâp mra dơn bri neh nây, Jêh ri mra dơn yôk kloh ueh Gâp ƀư drăp ndơn.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Nau Vay Nkah Tay 30:20

Rŏng hom ma Yêhôva Brah Ndu, tông bâr Păng, jêh ri tâm rnglăp đah Păng, yorlah Păng jêng nau rêh ma khân may; Păng mra ăn ma khân may dơi gŭ jŏ nar tâm n'gor Brah Yêhôva hŏ ton jêh ăn ma phung chô yau khân may jêng Y-Abraham, Y-Isăk jêh ri Y-Yakôb.”

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

II Pêtrôs 3:13

Ƀiălah tĭng nâm nau Păng ton, he kâp gân trôk mhe jêh ri neh ntu mhe jêng ntŭk nau sŏng srăng gŭ.

Nau Tâm Mpơl 21:7

Mbu nơm dơi, păng mra dơn lĕ nau aơ jêng drăp ndơn; Gâp mra jêng Brah Ndu păng, jêh ri păng mra jêng kon Gâp.