Nau Mprơ Ơm 37:21 - Nau Brah Ndu Ngơi 2023

²¹ Nơm ƀai chan ƀiălah mâu mplơ̆ sĭt ôh, Bi ma nơm sŏng srăng blau ƀư nau yô̆ jêh ri ăn.

Nau Mprơ Ơm 37:21 ပူးပေါင်းရင်းမြစ်များ

Nau Mprơ Ơm 112:5

Ueh maak yơh ma nơm geh nuih n'hâm lŏng, ăn bu chan Jêh ri ƀĭt gai lĕ nau kan tâm nau sŏng.

Nau Mprơ Ơm 112:9

Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

Nau Hôr 22:7

Bunuyh ndrŏng chiă uănh phung o ach, Mbu nơm manh dăn jêng dĭk ma nơm ăn manh.

Êsai 32:8

Ƀiălah phung khlay mĭn knŏng joi ma lĕ nau khlay, Jêh ri dâk nâp tâm lĕ nau dŭt khlay.

Luka 6:30

Mbu nơm dăn, ăn hom; mbu pit sŏk drăp ndơ khân may, lơi sŏk tay.

Kôranh Oh Mon 11:29

Phung oh mon mĭn ăp nơm tĭng nâm ndơ khân păng geh, njuăl ndơ kơl ma phung oh nâu chroh gŭ tâm n'gor Yuđa.

Kôranh Oh Mon 20:35

Gâp hŏ tă ntĭm nti jêh ma khân may, tâm lĕ nau kan, he gơih ƀư kan kơt nĕ gay sâm kơl phung ji kuet, jêh ri kah gĭt tay Kôranh Brah yơh jêng Brah Yêsu hŏ ntăm jêh: ‘Ăn ma bu jêng nau ueh lơn ma sŏk dơn.’ ”

II Kôrintô 8:9

Yorlah khân may gĭt jêh nau yô̆ Kôranh Brah he jêng Brah Yêsu Krist, Păng ndrŏng ngăn, ƀiălah plơ̆ jêng o ach yor khân may, gay yor nau o ach Păng, khân may plơ̆ jêng ndrŏng.

Nau Vay Nkah Tay 28:12

Brah Yêhôva mra pơk jay ndơ khlay Păng tă tâm trôk gay ăn ma khân may, ăn dak mih di yan ta tâm n'gor khân may jêh ri ăn nau ueh uĭn ma lĕ rngôch kan ti khân may ƀư. Khân may mra ăn ma âk ndŭl mpôl manh ƀiălah khân may mâu mra manh bu ôh.

ហេឞ្រើ 13:16

Lơi chuêl ôh ƀư nau ueh jêh ri tâm pă ma bunuyh êng, yorlah lĕ ndơ ƀư brah tâm ban pônây ƀư maak nuih n'hâm Brah Ndu.

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.