Nau Mprơ Ơm 37:11 - Nau Brah Ndu Ngơi 2023

¹¹ Bi ma bunuyh dêh rhêt mra geh n'gor ƀư drăp ndơn, Jêh ri maak dơn nau đăp mpăn nau ndrŏng.

Nau Mprơ Ơm 37:11 ပူးပေါင်းရင်းမြစ်များ

Nau Mprơ Ơm 119:165

Phung rŏng ma nau vay May geh nau đăp mpăn ngăn; Mâu geh ndơ ƀư chêh prah khân păng ôh.

Nau Mprơ Ơm 25:13

Huêng păng mra gŭ tâm ntŭk ueh mpăn, Jêh ri phung kon sau păng mra geh neh ƀư drăp ndơn.

Nau Mprơ Ơm 36:8

Khân păng mra hơm ma nau rmeh ler tâm ngih May; May mra ăn khân păng nhêt tă bơh dak krong ueh maak May.

Nau Mprơ Ơm 72:7

Tâm rnôk hađăch chiă uănh, nau sŏng srăng ndrŏng ktang, Jêh ri nau đăp mpăn mra jong kŏ tât khay mâu hôm nchrat ang đŏng ôh.

Êsai 26:3

Mbu nơm ăn nau mĭn păng rnơm nsing ma Kôranh Brah Păng mra mât mray păng tâm nau đăp mpăn nŭm rĭng, Yorlah păng rnơm nsing ma May.

Êsai 48:18

Ueh lơn may hŏ rkêng tôr iăt lĕ nau vay ntăm bơh Gâp, Pônây nau đăp mpăn may mra jêng jêh tâm ban ma n'hong dak krong, Jêh ri nau sŏng srăng may tâm ban ma rbuh dak mƀŭt;

Êsai 57:13

Lah may kuăl rklaih, ăn phung rup brah may tâm rklaih khân may! Sial mra khôm rdu phung brah nây, Du n'hâm nsôr mra sŏk rdu lơi lĕ rngôch khân păng. Ƀiălah mbu nơm du krap tâm Gâp mra dơn bri neh nây, Jêh ri mra dơn yôk kloh ueh Gâp ƀư drăp ndơn.

Mathay 5:5

Ueh maak ngăn ma phung dêh rhêt, Yorlah mra sŏk dơn lĕ neh ntu!

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

Philip 4:7

Nau đăp mpăn Brah Ndu, rlau lơn ma lĕ rngôch nau blau mĭn, mra mât mray nuih n'hâm jêh ri nau mĭn khân may tâm Brah Yêsu Krist.

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

Yakơ 1:21

Pôri, chalơi hom lĕ nau ƀơ̆ ƀơch jêh ri lĕ nau djơh mhĭk dôl geh lam ntŭk, ăn khân may geh nuih n'hâm rdơ̆ rbăn rom dơn nau ngơi tăm jêh tâm phung khân may, jêng nau ngơi dơi tâm rklaih huêng khân may.

Yakơ 3:13

Tâm phung khân may, mbu nơm jêng nơm blau mĭn jêh ri gĭt rbăng? Sŏk hom nau gŭ rêh ueh khân may nơm gay tâm mpơl lĕ nau khân may ƀư ntơm tă bơh nau dêh rhêt bơh nau blau mĭn.