Nau Mprơ Ơm 37:10 - Nau Brah Ndu Ngơi 2023

¹⁰ Hôm ƀât lât phung mhĭk mâu mra hôm. Nđâp tơlah may joi tât ntŭk păng, ăt mâu saơ păng ôh.

Nau Mprơ Ơm 37:10 ပူးပေါင်းရင်းမြစ်များ

II Phung Hađăch 9:25

Y-Jêhu lah ma Y-Bitkar, kôranh kâp kơl păng: “Djôt leo hom săk jăn păng mƀăr lơi tâm mir Y-Nabôt, bunuyh Jesrêel. Yorlah ăn ma may kah gĭt tay kăl e ri gâp jêh ri may ncho seh ndrel tĭng pakơi Y-Ahap mbơ̆ păng Brah Yêhôva ngơi nau mbơh tâm rdâng aơ đah păng:

Êsther 7:10

Pônây, bu yông trô ko Y-Haman ta tơm si yông trô ko păng nơm hŏ ndâk jêh ma Y-Môrdêkai. Jêh nây nau hađăch ji nuih aih jêh.

Ndrom Samƀŭt bơh Yôp 14:10

Ƀiălah kon bunuyh khĭt jêh ri lâng mâu mpât, Lah tăch n'hâm ntŭk khân păng tât?

Ndrom Samƀŭt bơh Yôp 20:5

Nau dơi phung ƀai jêng gleh dơm, Jêh ri nau răm maak phung mâu chroh knŏng ƀât lât?

Ndrom Samƀŭt bơh Yôp 24:24

Khân păng geh nau bu n'hao knŏng ƀât lât dơm jêh nây roh hêng; Khân păng mra nhop kro jêh nây chah rai nâm bu gơ̆, Jêh ri bu rek nâm bu nkong ba.

Ndrom Samƀŭt bơh Yôp 7:10

Khân păng mâu plơ̆ sĭt ma ngih khân păng nơm đŏng, Ntŭk khân păng gŭ mâu hôm geh bunuyh gĭt.

Ndrom Samƀŭt bơh Yôp 7:21

Mâm dĭng May mâu yô̆ an nau tih gâp, Sŏk lơi lĕ nau djơh mhĭk tâm gâp? Yorlah mâu hôm jŏ ôh gâp mra bê̆ch tâm neh; May mra tĭng joi gâp ƀiălah gâp mâu hôm ôh.”

Nau Mprơ Ơm 103:16

Lah sial khôm du tong ta kao, jêh ri mâu hôm saơ păng ôh, Ntŭk păng mâu hôm gĭt năl păng ôh.

Nau Mprơ Ơm 49:10

Yor bu saơ nơm blau mĭn khĭt, Phung brŭt ndrăng jêh ri bunuyh rluk ăt khĭt tâm ban. Chalơi drăp ndơ păng ma bu êng.

Nau Mprơ Ơm 52:5

Brah Ndu mra ƀư rai may n'ho ro. Păng mra nhŭp may jêh ri klŭp may ngai bơh ngih bok may; Păng mra rôk may bơh neh may gŭ rêh. (Sêla)

Nau Hôr 14:11

Ngih phung djơh mhĭk bu mra ƀư rai, Ƀiălah vâl bok phung sŏng mra dơi geh jêng.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.