Nau Mprơ Ơm 36:9 - Nau Brah Ndu Ngơi 2023

⁹ Yorlah tu nau rêh gŭ tâm Kôranh Brah; Ma nau ang May, hên saơ nau ang.

Nau Mprơ Ơm 36:9 ပူးပေါင်းရင်းမြစ်များ

Ndrom Samƀŭt bơh Yôp 29:3

Lah ŭnh kađen Kôranh Brah sol ang klơ bôk gâp, Jêh ri yor tă nau ang Păng gâp hăn rgăn lĕ nau ngo klĕng.

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 65:5

Ơ Brah Ndu jêng Nơm tâm rklaih hên, May mplơ̆ lah ma hên ma lĕ nau sŏng srăng, khư ma nau klach. May jêng nau kâp gân ma phung nglĕ dŭt rplay neh Phung gŭ ngai tâm dak mƀŭt tâm ban lĕ.

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Êsai 12:3

Yor ri, khân may mra răm maak bâk dak bơh ntu dak nau tâm rklaih.

Êsai 2:5

Hơi ngih Yakôb, văch hom! Ăn he chuat hăn hom tâm nau ang Brah Yêhôva.

Êsai 60:19

May mâu hôm mra nsing nar Sol ang nôk nar, Jêh ri mâu hôm ŭch đă khay Sol ang nôk măng; Yorlah Brah Yêhôva mra jêng nau ang n'ho ro ma may, Brah Ndu may mra jêng nau chrêk rmah may.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Yôhan 4:10

Brah Yêsu plơ̆ lah: “Tơlah ay gĭt ndơ Brah Ndu ăn, jêh ri Păng dôl ngơi đah ay: ‘Ăn Gâp dăn nhêt dak’ jêng mbu nơm pôri n'hêl nanê̆ ay mra vơl dăn ma Păng, jêh ri Păng mra ăn dak rêh ma ay.”

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 8:12

Brah Yêsu lah đŏng ma phung ƀon lan pô aơ: “Gâp jêng nau ang ma neh ntu, mbu nơm tĭng Gâp mâu mra hăn tâm nau ngo ôh, ƀiălah mra geh nau ang ma nau rêh.”

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

Nau Tâm Mpơl 21:6

Jêh nây Păng lah ma gâp: “Kan lĕ jêh! Gâp jêng Alpha jêh ri Ômêga, jêng Ntơm Bơh Saơm jêh ri Nglĕ Dŭt. Mbu nơm ji hir, Gâp mra ăn nhêt dak mâu sŏk prăk tă bơh tu dak nau rêh.

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.