Nau Mprơ Ơm 36:4 - Nau Brah Ndu Ngơi 2023

⁴ Păng nchră ŭch ƀư nau mhĭk ta klơ sưng păng, Gŭ dâk tâm trong mâu ueh, Jêh ri mâu chalơi ôh nau ƀai.

Nau Mprơ Ơm 36:4 ပူးပေါင်းရင်းမြစ်များ

Êsther 5:14

Ur păng jêng H'Sêres jêh ri phung mĭt jiăng păng lah ma păng: “Ăn bu ƀư tơm si yông trô ko prêh bar jât ma prăm met, jêh ri ôi taơ, dăn hom hađăch ăn yông trô ko Y-Môrdêkai ta nây. Jêh nây may răm maak hăn râng nau sông sa ndrel hađăch.” Nau nchră nây ƀư maak ma Y-Haman, jêh ri păng ăn bu ƀư tơm si yông trô ko.

Êsther 6:4

Hađăch ôp: “Mbu nơm gŭ padih tâm nkual nhuang?” Rnôk nây, Y-Haman mhe hăn lăp tâm nkual nhuang, jêng tâm nkual padih ngih hađăch, gay dăn hađăch ntrŭnh nau yông trô ko Y-Môrdêkai ta n'gâng yông trô ko păng nkra jêh ma Y-Môrdêkai.

Ndrom Samƀŭt bơh Yôp 15:16

N'hơn lah ma du huê nơm tih mhĭk, bu rmot, Ƀư nau tih mhĭk nâm bu nhêt dak!

Nau Mprơ Ơm 38:12

Phung joi ŭch nkhĭt gâp, sân dăk ma gâp Lĕ phung ŭch ƀư mhĭk ma gâp ngơi nau ƀư rai ƀaƀơ, Jêh ri ŭch ndơm gâp ăp nar.

Nau Mprơ Ơm 52:3

May rŏng nau mhĭk âk lơn ma nau ueh, Rŏng ngơi nau mƀruh rlau lơn ma nau sŏng srăng. (Sêla)

Nau Mprơ Ơm 97:10

Ơ phung rŏng ma Brah Yêhôva, tâm rmot hom ma nau mhĭk. Păng king n'gang huêng phung kloh ueh Păng Jêh ri tâm rklaih khân păng bơh ti phung mhĭk.

Nau Hôr 24:2

Yorlah nuih n'hâm khân păng knŏng mĭn ma nau janh ƀai, Jêh ri mbung khân păng ngơi nau ƀư mhĭk.

Nau Hôr 24:23

Nau aơ tâm ban lĕ jêng nau phung blau mĭn ngơi: Tâm nau phat dôih, Gŭ nding jêng nau mâu ueh ôh.

Nau Hôr 4:16

Yorlah khân păng mâu nhêp măt tơlah ê hŏ ƀư nau mhĭk; Mâu đăp bê̆ch tơlah ê hŏ ƀư tŭp ma du huê bunuyh.

Êsai 65:2

Lĕ nar Gâp yơr ti Mpeh du phung ƀon lan vay tâm rdâng; Jêng phung hăn tâm trong mâu ueh, Tĭng nâm nau mĭn khân păng nơm;

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Yêrêmi 8:6

Gâp rkêng tôr iăt tăng jêh, Ƀiălah khân păng mâu ngơi ngăn ôh, Mâu geh du huê rmal nau ƀai păng nơm, Hôm ngơi: “Gâp mâu geh ƀư ôh!” Lĕ rngôch tĭng ndô̆ trong êng da dê Nâm bu du mlâm seh rduh tâm lơh.

Amôt 5:15

Tâm rmot hom ma nau mhĭk jêh ri rŏng hom ma nau ueh; Ndâk hom nau sŏng ta mpông ƀon. Klăp lah Yêhôva Brah Ndu ma phung tahan Mra ăn nau yô̆ ma phung Yôsep hôm klen!

Mika 2:1

Rêh ni ngăn ma phung nchră ŭch ƀư nau mhĭk Jêh ri mĭn ŭch ƀư nau tih gŭ ta klơ gre bê̆ch păng! Tât ang ôi, khân păng ƀư ro nau ŭch mĭn Yorlah khân păng geh nau dơi ƀư tâm ti!

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Mathay 27:1

Tât ôi, lĕ rngôch phung kôranh ƀư brah toyh jêh ri phung bu ranh phung ƀon lan tâm nchră tâm rdâng đah Brah Yêsu gay nkhĭt lơi Păng.

Kôranh Oh Mon 23:12

Nar ôi taơ, phung Yuđa rƀŭn tâm nchră jêh ri sơm ton ndrăng khân păng pô aơ khân păng mâu sông sa mâu nhêt tât khân păng dơi nkhĭt Y-Pôl.

Samƀŭt Pôl Njuăl Ăn Ma Phung Nsing Ta Ƀon Rôm 1:32

Khân păng rlau ma gĭt nau vay Brah Ndu hŏ nal pô aơ ma mbu nơm ƀư lĕ nau tih pônây jêng khư khĭt. Pôri, mâu di knŏng khân păng nơm ƀư lĕ nau nây, ƀiălah khân păng tâm di ndrel ma phung êng ƀư tâm ban đŏng.

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Nau Tâm Mpơl 2:2

‘Gâp gĭt năl lĕ kan may ƀư jêh, nau jâk jêr may, nau may srôih. Gâp gĭt may mâu dơi dơn phung mhĭk, jêh ri rlong uănh jêh phung kơp êng săk khân păng nơm jêng kôranh oh mon, ƀiălah mâu di jêng kôranh oh mon, jêh ri may gĭt năl jêh khân păng jêng phung ngơi mƀruh.

I Samuel 19:11

Y-Sôl prơh bunuyh hăn tât ta ngih Y-Đavit, gak uănh păng gay nkhĭt păng ang ôi taơ. Ƀiălah H'Mikal, ur Y-Đavit, ăn păng gĭt jêh ri lah: “Tơlah măng aơ may mâu nchuăt klaih ôh, pôri kêng ôi taơ bu mra nkhĭt may.”