Nau Mprơ Ơm 35:12 - Nau Brah Ndu Ngơi 2023

¹² Khân păng sŏk nau djơh ntrok nau ueh; Huêng gâp gŭ êng, roh nau kâp gân.

Nau Mprơ Ơm 35:12 ပူးပေါင်းရင်းမြစ်များ

Yôhan 10:32

Brah Yêsu lah ma khân păng: “Gâp hŏ mpơl ma khân may âk kan ueh tă bơh Mbơ̆ Gâp. Pôri, moh nau dĭng khân may ŭch klŭp Gâp ma lŭ?”

Yêrêmi 18:20

Geh lĕ nơm sŏk nau mhĭk mplơ̆ ăn nau ueh? Ƀiălah khân păng kuyh jêh ntu ƀư rai lơi nau rêh gâp. Dăn May kah gĭt pô aơ gâp lĕ tă gŭ dâk tanăp măt May Gay dăn nau ueh ăn ma khân păng, Jêh ri dăn May mâu nkhŭt ôh nau ji nuih ta khân păng.

Nau Mprơ Ơm 38:20

Bi phung mplơ̆ nau mhĭk ntrok nau ueh gâp tâm rdâng đah gâp, Yorlah gâp ŭch hăn tĭng nau ueh.

Nau Hôr 17:13

Mbu nơm sŏk nau mhĭk mplơ̆ ma nau ueh, Nau mhĭk mâu mra du ôh bơh ngih păng.

I Samuel 19:15

Y-Sôl prơh tay bunuyh hăn uănh Y-Đavit, jêh ri lah: “Ăt ăn păng ta sưng bê̆ch jêh ri tung leo păng tât ma gâp gay gâp dơi nkhĭt păng.”

I Samuel 25:21

Y-Đavit hŏ lah: “N'hêl nê̆, hŏt gar yơh, gâp sâm chiăp dơm dam lĕ rngôch mpô mpa bu klâu nây tâm bri rdah, kŏ tât mâu roh yot du ntil ndơ. Ƀiălah păng sŏk nau mhĭk gay mplơ̆ sĭt ma nau yô̆.

I Nau Rêh Jêng 19:4

Y-Hanun nhŭp phung mbơh Y-Đavit, poih lơi têp jêh ri koh lơi ao khân păng ta nklang n'gul gang bŭt khân păng, jêh nây mprơh khân păng sĭt.

Nau Mprơ Ơm 38:21

Ơ Brah Yêhôva! Lơi ta chalơi gâp. Ơ Brah Ndu gâp! Lơi ta gŭ ngai đah gâp.

Nau Mprơ Ơm 142:5

Ơ Brah Yêhôva, gâp kuăl dăn ma May pô aơ: “May jêng ntŭk gâp gŭ krap, Jêng ndơ bu pă ma gâp tâm n'gor bri phung rêh.”